07.11.2026 | 10:33
Ռոբերտ Փիլիպոսյանը՝ կայծակնային շախմատի Մ-20 ԱԱ-ի բրոնզե մեդալակիր
ԱՄՆ-ն մտադիր է Հայաստանին ու Ադրբեջանին հրավիրել ՆԱՏՕ-ի միջոցառմանը
Քաղաքականություն
27.06.2024 | 13:33
Լուրեր
07.11.2026 | 09:42
Հայաստանը, ԱՄՆ-ն և Ադրբեջանը սկսել են TRIPP-ի տեխնիկական պլանավորման աշխատանքները
06.11.2026 | 23:10
Եվրոպայում նոյեմբերի 6-ին ավելի քան 15 չվերթի մասով պայթյունի սպառնալիք է ստացվել
Բայդենի վարչակազմը նախատեսում է Ադրբեջանին և Հայաստանին ՆԱՏՕ-ի մյուս գործընկերների հետ միասին հրավիրել Վաշինգտոնում կայանալիք ՆԱՏՕ-ի գագաթնաժողովի գործընկերության միջոցառումներին, որտեղ նրանք հնարավորություն կունենան քննարկելու տարածաշրջանային համագործակցությունը, ինչպես նաև խաղաղության համաձայնագրի հասնելու ջանքերը: Այս մասին հայտնում է ադրբեջանական «Թուրան» գործակալությունը՝ հղում անելով իրավիճակին ծանոթ երկու աղբյուրի։
«Չնայած պարզ չէ արդեն իսկ ուղարկվել են կամ ընդունվել են հրավերները, Վաշինգտոնում պաշտոնյաները կարծում են, որ ՆԱՏՕ-ի առաջնորդների առաջիկա հանդիպումը ԱՄՆ մայրաքաղաքում երկու շաբաթից «հիանալի հնարավորություն» կլինի, որը դժվար կլիներ բաց թողնել»,-ասել է աղբյուրներից մեկը։
Այս քայլը տեղի է ունենում այն ֆոնին, երբ Պետդեպը հայտարարել , որ Բաքու է ուղարկում Եվրոպայի և Եվրասիայի գծով իր բարձրաստիճան դիվանագետին՝ Ջեյմս Օ՛ Բրայենին՝ քննարկելու երկկողմ հարաբերությունների ամրապնդումը և ընդգծելու Վաշինգտոնի հավատարմությունը խաղաղ գործընթացին:
Ճեպազրույցում էլ Պետքարտուղարության խոսնակ Մեթյու Միլլերը հայտարարել է, որ Օ՛ Բրայենը պարբերաբար այցելում է տարածաշրջանում։
«Մենք շարունակում ենք զբաղվել դիվանագիտությամբ՝ տարածաշրջանում մի շարք չլուծված խնդիրներ լուծելու համար. սա մի բան է, որի վրա մենք երկար ժամանակ աշխատել ենք», – հայտարարել է Միլլերը:
