07.11.2026 | 10:33
Ռոբերտ Փիլիպոսյանը՝ կայծակնային շախմատի Մ-20 ԱԱ-ի բրոնզե մեդալակիր
Տասնյակ հազարավոր իսրայելցիներ կոչ են արել արտահերթ ընտրություններ անցկացնել
Քաղաքականություն
23.06.2024 | 16:42
Լուրեր
07.11.2026 | 09:42
Հայաստանը, ԱՄՆ-ն և Ադրբեջանը սկսել են TRIPP-ի տեխնիկական պլանավորման աշխատանքները
06.11.2026 | 23:10
Եվրոպայում նոյեմբերի 6-ին ավելի քան 15 չվերթի մասով պայթյունի սպառնալիք է ստացվել
Իսրայելի մի շարք քաղաքներում շաբաթ օրը՝ հունիսի 22-ի երեկոյան, պարբերաբար ցույցեր են անցկացվել՝ քննադատելով կառավարությանը և պահանջելով ազատ արձակել ՀԱՄԱՍ-ի մոտ պահվող պատանդներին։
Թել Ավիվում ցույցի կազմակերպիչների տվյալներով՝ մասնակցել է մոտ 150 հազար մարդ, որն ամենամեծն է 2023 թվականի հոկտեմբերին ՀԱՄԱՍ-ի կողմից Իսրայելի վրա հարձակվելուց հետո․ գրում է իսրայելական Ynet լրատվական կայքը։
Ցուցարարների կոչերը ոչնչով չէին տարբերվում Իսրայելում մի քանի ամիս շարունակվող նմանատիպ հանրահավաքների կոչերից։ Ցուցարարները կրկին քննադատել են վարչապետ Բենիամին Նեթանյահուի կառավարությանը և պահանջել համաձայնության գալ ՀԱՄԱՍ-ի կողմից առևանգված իսրայելցիների վերադարձի շուրջ՝ «կենդանի, այլ ոչ թե դիակների պարակերում»։
Պաշտոնական տվյալներով՝ ահաբեկչական կազմակերպությունը Գազայի հատվածում շարունակում է պահել մոտ 120 իսրայելցի։ Այնուամենայնիվ, Wall Street Journal-ը հունիսին հայտնել էր, որ նրանցից միայն մոտ 50-ը կարող է իրականում ողջ լինել: Ինչպես հունիսի կեսերին ասել է ՀԱՄԱՍ-ի ներկայացուցիչը, «ոչ ոք պատկերացում չունի», թե զինյալների կողմից առևանգված իսրայելցիներից քանիսն են դեռ ողջ:
Բողոքի ակցիայի մասնակիցները պահանջում էին նաև արտահերթ ընտրություններ Իսրայելում։
