26.06.2026 | 13:12
Ալեն Սիմոնյանը ներողություն չի խնդրի Ռոբերտ Քոչարյանից. երկրորդ նախագահը պարտվել է դատարանում
Իմ ընկալմամբ՝ ԵՄ-ին անդամակցելու հարցով հանրաքվեի անհրաժեշտություն չկա. Արթուր Հովհաննիսյան. ՏԵՍԱՆՅՈՒԹ
Քաղաքականություն
21.06.2024 | 18:20
Իմ ընկալմամբ՝ ԵՄ-ին անդամակցելու հարցով հանրաքվեի անհրաժեշտություն չկա, Factor TV-ի հետ զրույցում նման տեսակետ հայտնեց ՀՀ ԱԺ «Քաղաքացիական պայմանագիր» խմբակցության քարտուղար Արթուր Հովհաննիսյանը։
Նրա խոսքով՝ իշխանությունները Եվրոպա գնալու դիրքորոշում ունեն, բայց թե որ փուլում ինչ գործողություններ կարվեն, պետք է բխեցնել Հայաստանի պետական շահից։
«Առաջին հերթին պետք է առաջնորդվենք չվնասելու սկզբունքով։ Մեր հանրության շրջանում կան սուր էմոցիաներ տարբեր արտաքին քաղաքական հարցերի հետ կապված, օրինակ՝ Ռուսաստանի, ՀԱՊԿ-ի, և ԵՏՄ-ի, ԱՄՆ-ի, Իրանի, նույն ԵՄ-ի հետ կապված։ Էմոցիոները մեզ չպետք է դրդեն կտրուկ գործողությունների, որոնք կարող են վնասել Հայաստանի պետական շահերը»,- կարծիք հայտնեց իշխող խմբակցության քարտուղարը։
Հիշեցնենք, որ «Ժողովրդավարական ուժերի հարթակ»-ն առաջարկել է 4 ամսվա ընթացքում հանրաքվե անցկացնել ԵՄ-ին ՀՀ-ի անդամակցության հայտ ներկայացնելու հարցով։
Խորհրդարանում այսօր այս թեմայով հանրային լսումներ են անցկացվել։
Մանրամասները՝ տեսանյութում։
