Քաղաքականություն
19.06.2024 | 23:13
Չիպերի և համակարգչային սարքավորումների ամերիկյան արտադրող Nvidia-ն շուկայական կապիտալիզացիայով առաջ է անցել Microsoft-ից և դարձել աշխարհի ամենաթանկ ընկերությունը, գրում է Reuters-ը։
Nvidia-ի բաժնետոմսերը բարձրացել են 3,5%-ով՝ հասնելով 135,58 դոլարի՝ բարձրացնելով նրա շուկայական կապիտալիզացիան մինչև 3,335 տրիլիոն դոլարի։ Այսպիսով նա առաջ է անցել նաև iPhone արտադրող Apple ընկերությունից։
Microsoft-ի արժեթղթերի շուկայական արժեքը կազմել է 3,317 տրլն դոլար, քանի որ նրա բաժնետոմսերը նվազել են 0,45%-ով: Apple-ի բաժնետոմսերը նվազել են ավելի քան 1 տոկոսով՝ նրա արժեքը հասցնելով 3,286 տրլն դոլարի:
Nvidia-ին հաջողվել է ընդամենը ինը ամսում իր շուկայական կապիտալիզացիան մեկ տրիլիոնից հասցնել երկուսի՝ հատելով այս նշագիծը 2024 թվականի փետրվարին:
