23.11.2024 | 11:23
Արտարժույթների փոխարժեքները՝ նոյեմբերի 23-ի դրությամբ
Tesla-ի բաժնետերերը հավանություն են տվել Իլոն Մասկին միլիարդավոր վճարումներին
Քաղաքականություն
14.06.2024 | 22:38
Էլեկտրական մեքենաներ արտադրող Tesla-ի բաժնետերերը վերահաստատել են ընկերության հիմնադիր և ղեկավար Իլոն Մասկին 56 միլիարդ դոլարի (52,2 միլիարդ եվրո) փոխհատուցման վճարումը, հայտնում է Reuters-ը՝ վկայակոչելով ընկերության հայտարարությունը։
«Վճարման հաստատումն ընդգծում է Մասկին աջակցությունը Tesla-ի մանրածախ ներդրողների կողմից, որոնցից շատերը միլիարդատիրոջ ջերմեռանդ երկրպագուներն են»,- ասվում է հրապարակման մեջ:
Առաջարկն ընդունվել է՝ չնայած որոշ խոշոր ինստիտուցիոնալ ներդրողների հակազդեցությանը, նշում է Reuters-ը:
Վճարումների փաթեթը ամենամեծն է լինելու ամերիկյան կորպորացիաների պատմության մեջ։ 56 միլիարդ դոլար ցուցանիշն արտացոլում է Tesla-ի բաժնետոմսերի ավելի վաղ սահմանված գինը: Հաշվի առնելով այս տարվա ապրիլի դրությամբ դրանց արժեքի անկումը՝ Մասկին վճարումների ծավալը համարժեք է 44,9 մլրդ դոլարի։
