ՀՀ առողջապահության նախարարությունը ներկայացրել է 22։15-ի դրությամբ ԱԺ-ի շենքի մոտ տեղի ունեցածի հետևանքով բուժօգնության դիմած անձանց վերաբերյալ տվյալներ։
«Բաղրամյան պողոտայում տեղի ունեցած իրադարձությունների հետևանքով բուժօգնության է դիմել 79 քաղաքացիական անձ և ոստիկան։
6 պացիենտ անհրաժեշտ բուժօգնություն ստանալուց հետո դուրս է գրվել»,- ասված է հաղորդագրության մեջ։
Հիշեցնենք, որ ԱԺ-ի շենքի մոտ իրավիճակը լարվել էր, բախումներ էին տեղի ունեցել բողոքի ակցիայի մասնակիցների և ոստիկանների միջև։ Ոստիկանությունը հատուկ միջոցներ էր կիրառել Բաղրամյանում։ ՔԿ-ում քրեական վարույթ է նախաձեռնվել։
