26.04.2026 | 14:19
Կվերականգնվի 19-րդ դարի «Քարակարմունջ» կամուրջը
Վթար Հրազդան-Հանքավան ավտոճանապարհին․ կան տուժածներ
07.06.2024 | 22:40
Հունիսի 7-ին՝ ժամը 20:40-ին, Կոտայքի մարզային փրկարարական վարչության ճգնաժամային կառավարման կենտրոն տեղեկություն է ստացվել, որ Հանքավան-Կաքավաձոր ավտոճանապարհին տեղի է ունեցել ՃՏՊ․ անհրաժեշտ է փրկարարների օգնությունը:
ՆԳՆ ՓԾ-ից տեղեկացնում են, որ դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատի օպերատիվ խումբը։
Պարզվել է, որ Հրազդան-Հանքավան ավտոճանապարհի 2-րդ կմ-ին «BMW» մակնիշի ավտոմեքենան (վարորդ՝ Գ․ Ս․, ծնված 1999 թ.) դուրս է եկել ավտոճանապարհի երթևեկելի հատվածից և գլխիվայր շրջվել. կան տուժածներ:
Մինչ փրկարարների կանչի վայր հասնելը՝ վարորդը և ուղևորներ Ն․ Ա․-ն (ծնված 1978 թ.), Թ․ Օ․-ն (ծնված 1983 թ.), Ա․ Հ․-ն (ծնված 2002 թ.) հոսպիտալացվել են բժշկական կենտրոն, որտեղ բժիշկները նրանց առողջական վիճակը գնահատել են բավարար:
Փրկարարներն ուղղել են ավտոմեքենան, հոսանքազրկել այն և փակել գազի բալոնի փականը:
