09.09.2026 | 23:17
Ինչ են քննարկել Փաշինյանը և Մակրոնը. Կառավարությունը մանրամասներ է ներկայացրել
Ռուսական «Գազպրոմ»-ի և ադրբեջանական SOCAR-ի ղեկավարներն այս տարվա 3-րդ հանդիպումն են անցկացրել
Քաղաքականություն
07.06.2024 | 23:03
Ադրբեջանի պետական նավթային SOCAR ընկերության նախագահ Ռովշան Նաջաֆը և ռուսական «Գազպրոմ»-ի խորհրդի նախագահ Ալեքսեյ Միլլերն այսօր Սանկտ Պետերբուրգի միջազգային տնտեսական ֆորումի շրջանակում հերթական հանդիպումն են անցկացրել՝ քննարկելով համաշխարհային էներգետիկ շուկայում տիրող իրավիճակը: Այս մասին ադրբեջանական ԶԼՄ-ներին հայտնել են ռուսական ընկերությունից։
«Կողմերը քննարկել են գազի ոլորտում համագործակցության ընթացքն ու հեռանկարները։ Հատուկ ուշադրություն է դարձվել համաշխարհային էներգետիկ շուկայում տիրող իրավիճակին»,- ասել են «Գազպրոմ»-ից։
Նշենք, որ Նաջաֆն ու Միլլերը բավական հաճախ են հանդիպում։ Սա 2024 թվականի ընթացքում նրանց արդեն 3-րդ հանդիպումն է։ Նախորդ հանդիպումը տեղի էր ունեցել ապրիլի 26-ին Պետերբուրգում ռուսական ընկերության գրասենյակում։ Ավելի վաղ էլ երկու ընկերությունների նախագահները բանակցություններ էին անցկացրել փետրվարի 28-ին։
Էմմա Չոբանյան
