07.11.2026 | 10:33
Ռոբերտ Փիլիպոսյանը՝ կայծակնային շախմատի Մ-20 ԱԱ-ի բրոնզե մեդալակիր
«Սիոնիստական ռեժիմի ընդլայնումը Կովկասում անապահովություն է առաջացնում». Իրանի նախագահի պաշտոնակատարը` Ալիևին
Քաղաքականություն
05.06.2024 | 21:55
Լուրեր
07.11.2026 | 09:42
Հայաստանը, ԱՄՆ-ն և Ադրբեջանը սկսել են TRIPP-ի տեխնիկական պլանավորման աշխատանքները
06.11.2026 | 23:10
Եվրոպայում նոյեմբերի 6-ին ավելի քան 15 չվերթի մասով պայթյունի սպառնալիք է ստացվել
Ադրբեջանի նախագահ Իլհամ Ալիևը հեռախոսազրույց է ունեցել Իրանի նախագահի պաշտոնակատար, առաջին փոխնախագահ Մոհամադ Մոխբերի հետ։ Mehr-ի հաղորդմամբ՝ Ալիևը կրկին իր ցավակցություններն ու համերաշխությունն է հայտնել Իրանի կառավարությանն ու ժողովրդին՝ նախագահ Էբրահիմ Ռաիսիի մահը մեծ կորուստ անվանելով ոչ միայն Իրանի, այլև բոլոր մահմեդական երկրների ու ազգերի համար։
Մոխբերն ասել է, որ Ռայիսիի հետ վերջերս կայացած հանդիպման ժամանակ ձեռք բերված պայմանավորվածություններն անհրաժեշտ է հնարավորինս շուտ իրականացնել։
«Նախագահ Ռաիսին կարծում էր, որ խաղաղությունն ու անվտանգությունը կարող են իրականացվել միայն տարածաշրջանի երկրների համագործակցությամբ։ Նա նաև կարծում էր, որ սիոնիստական ռեժիմը գործնականում ՆԱՏՕ-ի մի մասն է, և որ նման օտարերկրացիների ներկայությունը տարածաշրջանում անապահովություն է առաջացնում Կովկասում»,- ասել է Իրանի նախագահի պաշտոնակատարը։
Ալիևն իր հերթին նշել է, որ հավատարիմ է լինելու տարածաշրջանային համագործակցությանը և խուսափելու է տարածաշրջանում օտարերկրացիների ներկայությունից։
Նա նաև հավելել է, որ առաջիկայում Թեհրանում Ադրբեջանի դեսպանատունը կվերաբացվի։
