29.06.2024 | 20:00
8 օր վիրավոր թևով, առանց բուժօգնության․ դիպուկահարի կրակոցից տատն ու 7-ամյա թոռը վիրավորվել են․ ՏԵՍԱՆՅՈՒԹ
ԲԱՆԱՎԵՃ. Կլինի՞ իշխանափոխություն. ո՞րն է Բագրատ արքեպիսկոպոս Գալստանյանի շարժման 1 ամսվա արդյունքը․ ՏԵՍԱՆՅՈՒԹ
Քաղաքականություն
04.06.2024 | 21:00
Շուրջ մեկ ամիս առաջ Տավուշի թեմի առաջնորդ Բագրատ արքեպիսկոպոս Գալստանյանն ու նրա աջակիցները երթ սկսեցին Տավուշից Երևան՝ դժգոհելով Ղազախի հետ սահմանին կատարվող սահմանազատման պրոցեսից։
Նախ, Փաշինյանի կառավարությունից պահանջում էին կասեցնել սահմանազատումը՝ այն միակողմանի զիջում որակելով։ Իսկ մայիսի 9-ին Հանրապետության հրապարակի հանրահավաքում ընդդիմության առաջնորդի դերը ստանձնած Բագրատ արքեպիսկոպոս Գալստանյանը պահանջեց Փաշինյանի հրաժարականը։ Սակայն Փաշինյանը հրաժարական չտվեց ո՛չ մեկ ժամ, ո՛չ մեկ շաբաթ, ո՛չ էլ մեկ ամիս անց։
Միաժամանակ, Գալստանյանի շարժմանը աջակցող ԱԺ «Հայաստան» և «Պատիվ ունեմ» խմբակցությունները չկարողացան հավաքել 36 ստորագրություն՝ իմփիչմենթի գործընթաց սկսելու համար։ Չգտնվեց նաև գեթ մեկ ՔՊ-ական, որը կլքեր իշխանական նավը և պատրաստակամություն կհայտներ սատարել ընդդիմության վարչապետի թեկնածուին։ Ի դեպ, ընդդիմությունը նախընտրեց վարչապետի թեկնածու հռչակել Բագրատ արքեպիսկոպոս Գալստանյանին, որը Կանադայի քաղաքացի է, և ըստ Սահմանադրության՝ չի կարող դառնալ ՀՀ վարչապետ՝ լինելով երկքաղաքացի։
Իշխանափոխության հնարավորություն ունի՞ ընդդիմությունը, հիմքեր կա՞ն մտածելու, որ դա հնարավոր է, ի՞նչ նախադրյալներով։ Factor TV-ի տաղավարում հրավիրել ենք բանավեճ, որին մասնակցում են քաղաքագետ Հարություն Մկրտչյանը և Դեմոկրատական այլընտրանք կուսակցության ղեկավար, քաղաքագետ Սուրեն Սուրենյանցը։
Մանրամասները՝ տեսանյութում։
Ռոբերտ Անանյան
