Հրանտ Դինքի գործով դատախազը դատական նիստում հանդես է եկել մեղադրական ճառով

Լուրեր

15.01.2025 | 23:34
Իսրայելն ու ՀԱՄԱՍ-ը հրադադարի համաձայնագիր են ստորագրել
15.01.2025 | 23:30
Բաքուն հայտնում է Քարվաճառում ադրբեջանցի զինծառայողի ինքնասպանության մասին
15.01.2025 | 23:13
Էրդողանը հայտարարել է, թե Թուրքիան ունակ է «ջախջախելու» բոլոր ահաբեկիչներին և կոչ արել «ձեռքերը հեռացնել» Սիրիայից
15.01.2025 | 22:57
ՀԱՄԱՍ-ը Իսրայելի կողմից ոչնչացված բոլոր զինյալներին փոխարինող է գտել․ Բլինքեն
15.01.2025 | 22:49
Կստեղծվի ոստիկանության բարեփոխումները համակարգող նոր խորհուրդ․ վարչապետը համակարգող խորհրդի նախագահն է
15.01.2025 | 22:42
Թրամփն այլևս չի խոստանում 24 ժամում վերջ տալ Ուկրաինայի հակամարտությանը. FT
15.01.2025 | 22:27
Երևանում և 7 մարզում էլեկտրաէներգիայի անջատումներ կլինեն
15.01.2025 | 22:14
ԵՄ-ն Ադրբեջանին կոչ է անում ազատ արձակել իրենց հիմնարար իրավունքների իրացման համար ձերբակալվածներին
15.01.2025 | 22:00
ԵՏՄ-ից դուրս գալու հայտ ՀՀ-ն չի ներկայացրել․ այս պահին դրանից խոսելը ժամանակավրեպ է․ Ծովինար Վարդանյան. ՏԵՍԱՆՅՈՒԹ
15.01.2025 | 21:49
Քննարկվել են ԱՄՆ ՄԶԳ-ի կողմից Հայաստանում իրականացվող ծրագրերին
15.01.2025 | 21:34
Ռուսաստանն օդային հարձակումներ էր ծրագրել Լեհաստանի և այլ երկրների դեմ․ Տուսկ
15.01.2025 | 21:20
ՀՀ ԱԳ փոխնախարարը ԱՄՆ կոնգրեսականներին է ներկայացրել Հարավային Կովկասում անվտանգային իրավիճակը
15.01.2025 | 21:11
Բաքվում կանխվել է հրեական համայնքի ղեկավարներից մեկի դեմ ծրագրվող մահափորձը․ իսրայելական ԶԼՄ-ներ
15.01.2025 | 21:00
ԱՄՆ-ից եկող թիմը կարող է օգնել ՀՀ սահմանների պաշտպանությանը, բայց մե՛նք պիտի կառուցենք մեր անվտանգային միջավայրը․ Սարո Սարոյան. ՏԵՍԱՆՅՈՒԹ
15.01.2025 | 20:54
Կարսում թուրք-ադրբեջանական զորավարժություններ կանցկացվեն
Բոլորը

Պոլսահայ լրագրող Հրանտ Դինքի սպանության  գործով հերթական դատական նիստում ներկայացվել է գլխավոր դատախազի դիրքորոշումը։

Թուրքական լրատվամիջոցները հայտնում են, որ նիստին ներկա են եղել կալանավորված ամբաստանյալներ Օքան Շիմշեքը, Գազի Գյունայը, Վեյսալ Շահինը և կողմերի փաստաբանները։ Մի շարք կասկածյալներ նիստին միացել են հեռավար տարբերակով այլ քաղաքներից։

Դատախազը ամբաստանյալներ Վեյսալ Շահինին, Ալի Օզին, Գազի Գյունային, Հասան Դուրմուշօղլուին, Մեհմեդ Այհանին, Օքան Շիմշեքին, Օնուր Քարաքայային, Օսման Գյուլբելին պահանջել է  դատապարտել ցմահ ազատազրկման «կանխամտածված» հանցագործությունների համար։

Կասկածյալ Բեքիր Յոքուշի նկատմամբ դատախազը պահանջել է կիրառել 22 տարի 6 ամսից մինչև 30 տարի ազատազրկում: «Դիտավորությամբ սպանությանն օժանդակելու» մեղադրանքով ամբաստանյալ Յավուզ Քարաքայայի համար ևս դատախազը պահանջել է 22 տարի 6 ամսից մինչև 30 տարի ազատազրկում։

Դատարանը որոշել է պահպանել գործով մեղադրյալներին կալանքի տակ պահելու՝ նախկինում ընդունված որոշումը:

Նշենք, որ 2023թ-ի նոյեմբերին Դինքին սպանած Օգյուն Սամասթը պայմանական վաղաժամկետ ազատ էր արձակվել բանտից՝ «լավ վարքի» համար։ Նշվում էր, որ 16 տարի 10 ամիս բանտում գտնվող Սամասթը բավարարել է պայմանական վաղաժամկետ ազատման պայմանները՝ «անձնական զարգացման համար կատարված դիտարկումների ժամանակ լավ վարք դրսևորելով»։

Բանտից ազատ արձակվելուց հետո, սակայն, Սամասթին նոր մեղադրանք է առաջադրվել, նրան սպառնում է 7,5-ից մինչև 12 տարի ժամկետով ազատազրկում։ Նա այժմ մեղադրվում է ահաբեկչության և Գյուլենի կրոնական շարժման հետ ենթադրյալ կապերի մեջ։ Դատարանը Սամասթի նկատմամբ երկրից հեռանալու արգելք է սահմանել։

Հիշեցնենք, որ Հրանտ Դինքը սպանվել է 2007 թվականի հունվարին՝ Ստամբուլում ԱԿՈՍ պարբերականի խմբագրության շենքի դիմաց: Մարդասպան Սամասթն այդ ժամանակ 17 տարեկան էր․ նա անչափահասների դատարանի կողմից դատապարտվել էր ցմահ ազատազրկման, սակայն տարիքի պատճառով պատժաչափը կրճատվել է մեկ երրորդով: Ի վերջո, նա, ընդհանուր առմամբ, դատապարտվել էր 22 տարի 10 ամիս ազատազրկման։ Պատիժների կատարման մասին օրենքի համաձայն՝ Սամասթը պետք է կրեր այս պատժից 15 տարի 2 ամիսը, որից վերջին 1,5 տարին՝ պայմանական վաղաժամկետ ազատման պայմաններում։

Էմմա Չոբանյան