16.06.2026 | 20:00
Ոչ լեգիտիմ ԱԺ ենք ունենալու․ մեկ ֆրակցիայի ձայները գողացվում են, ՔՊ-ինը արհեստական ավելացված են․ Գեղամ Մանուկյան․ ՏԵՍԱՆՅՈՒԹ
Ադրբեջանում բռնաճնշումները շարունակվում են․ հայտնի տնտեսագետ է ձերբակալվել
Քաղաքականություն
31.05.2024 | 22:30
Ադրբեջանում բռնաճնշոմների ալիքը շարունակվում է։ Տեղական լրատվամիջոցները հայտնում են, որ նախօրեին ոստիկանները ձերբակալել են հայտնի տնտեսագետ Ֆարիդ Մեհրալիզադեին։ Ըստ նրա հարազատների՝ տնտեսագետինուժի կիրառմամբ բերման են ենթարկել առավոտյան՝ մեքենայով աշխատանքի գնալիս։
Դրանից հետո նրան տարել են տուն՝ խուզարկության, ապա՝ Բաքու քաղաքի ոստիկանական գլխավոր վարչություն։ Թե ինչում է մեղադրվում Մեհրալիզադեն, հայտնի չէ։ ՆԳՆ մամուլի ծառայությունից էլ լրատվամիջոցներին հայտնել են, թե Ֆարիդ Մեհարալիզադեն ոչ թե ձերբակալվել է, այլ հրավիրվել է ոստիկանություն, և կատարվում է հետաքննություն։
Ադրբեջանական լրատվամիջոցները հայտնում են, որ Մեհրալիզադեն դեռ ազատ չի արձակվել։ Ներքին գործերի նախարարությունը չի պարզաբանում տնտեսագետի ճակատագիրը, նրա ձերբակալման պատճառը։ Օրենքի համաձայն՝ ձերբակալվածին կամ պետք է մեղադրանք առաջադրվի կամ նա պետք է ազատ արձակվի 48 ժամվա ընթացքում։
Հավելենք, որ ԵՄ արտաքին կապերի և անվտանգության ծառայության մամուլի քարտուղար Պետեր Ստանոն հայտարարություն էր տարածել Ադրբեջանում ներման ակտի ու մարդու իրավունքների իրավիճակի վերաբերյալ։ ԵՄ-ն Բաքվին կոչ էր արել դադարեցնել ճնշումներն ու ազատ արձակել քաղբանտարկյալներին։
Էմմա Չոբանյան
