Քաղաքականություն
31.05.2024 | 23:30
Իսլամական հայտնի կրոնական քարոզիչ, հասարակական գործիչ, FETO-ի առաջնորդ Ֆեթուլլահ Գյուլենը, որը բնակվում է ԱՄՆ-ում, հնարավոր է, առևանգվել է կամ տեղափոխվել Փենսիլվանիայի իր առանձնատնից մեկ այլ վայր, գրում է CNN Turk-ը։
Անկարայի Hürriyet-ի ներկայացուցչության ղեկավար Հանդե Ֆըրաթը CNN Türk-ի եթերում խոսել է Գյուլենին առևանգելու մասին պնդումներից։ Նրա առևանգման մասին լուրերը համացանցում տարածել է նրա զարմիկը։ Ֆըրաթը նաև նշել է, որ հայտնվել է մի նամակ, որը նկարագրում էր իշխանության պայքարը կազմակերպության ներսում, որը ղեկավարում է 83-ամյա Գյուլենը և նա տառապում է մի քանի լուրջ հիվանդություններով: Դրանում նշվում է, որ նրան, հավանաբար, առևանգել են հիպնոսի տակ ապրիլին, տեղափոխել այլ վայր, որը հասանելի է միայն մարդկանց սահմանափակ շրջանակի, և տեղեկատվությունը այժմ արտահոսել է, քանի որ FETÖ-ում ներքին նշանակումները ավանդաբար կատարվում են հունիսին:
Հավելենք, որ Թուրքիայում 2016 թվականին ռազմական հեղաշրջման փորձի կազմակերպման մեջ Թուրքիայի նախագահ Ռեջեփ Թայիփ Էրդողանն ու իշխանությունները մեղադրում են ԱՄՆ-ում բնակվող Գյուլենին։
Էմմա Չոբանյան
