25.06.2026 | 21:55
Աջապահյանը չարդարացվեց, բայց ազատվեց տնային կալանքից․ առաջին ատյանի դատավճիռը «ոչ պատշաճ» է ճանաչվել. ՏԵՍԱՆՅՈՒԹ
Իրանում գրանցում են նախագահի թեկնածուներին
Քաղաքականություն
31.05.2024 | 23:18
Իրանում մայիսի 30-ին սկսվել է նախագահի թեկնածուների պաշտոնական գրանցումը։ Հունիսի 28-ին տեղի կունենան արտահերթ ընտրություններ։ Գրանցվելու համար թեկնածուները պետք է անձամբ ներկայանան Իրանի ներքին գործերի նախարարություն առաջիկա հինգ օրվա ընթացքում, գրում է DW-ի ռուսական ծառայությունը:
Թեկնածուներին գրանցելուց հետո Սահմանադրության 12 հոգանոց Պահապանների խորհուրդը կորոշի, թե արդյոք նախագահի թեկնածուները գաղափարական չափանիշներին համապատասխան են, նշում է dpa գործակալությունը։
Հաստատված թեկնածուների վերջնական ցուցակը Խորհուրդը կհրապարակի հունիսի 11-ին։ Դրանից հետո քաղաքական գործիչները երկու շաբաթ ժամանակ կունենան քարոզարշավի համար։ Եթե ընտրությունների առաջին փուլում թեկնածուներից որևէ մեկը չստանա ձայների բացարձակ մեծամասնությունը, ապա հուլիսի 5-ին կկայանա երկրորդ փուլ, որը կորոշի ապագա նախագահին։
Նախագահն Իրանի երկրորդ կարևոր պաշտոնյան է, նա ներկայացուցչական գործառույթներ է իրականացնում և ղեկավարում է երկրի գործադիր իշխանությունը։ Նախագահն ընտրվում է 4 տարի ժամկետով և կարող է զբաղեցնել այդ պաշտոնը ոչ ավելի, քան երկու անգամ անընդմեջ։
Հիշեցնենք՝ Իրանում արտահերթ նախագահական ընտրություններ անցկացնելու անհրաժեշտություն առաջացավ այն բանից հետո, երբ նախագահի պաշտոնը զբաղեցնող Էբրահիմ Ռայիսին զոհվեց ավիավթարում։
