ԲԴԽ-ի ֆիլմին Factor TV-ի անդրադարձից հետո դատավոր Հարություն Մանուկյանի վերաբերյալ կարգապահական վարույթը կարճվել է

Հասարակություն

30.05.2024 | 13:28

Լուրեր

15.12.2025 | 12:22

Մահացել է կոմպոզիտոր Լևոն Օգանեզովը

15.12.2025 | 12:16

ՀՀ-ն ԵՄ-ից օգնություն է խնդրել // Ավտոբուսներում հսկիչներ կավելանան․ ԼՈՒՐԵՐ

15.12.2025 | 12:14

Գևորգ Պապոյանի ճեպազրույցը. ՈՒՂԻՂ

15.12.2025 | 12:11

Պապիկյանը` մահացած զինծառայողի մասին․ ՏԵՍԱՆՅՈՒԹ

15.12.2025 | 12:03

ԱԱԾ տնօրենի տեղակալը` Գարեգին Բ-ի անունը զեղչելու հարցով քահանաներին դիմելու մասին․ ՏԵՍԱՆՅՈՒԹ

15.12.2025 | 11:49

Հայաստանն օգնություն է խնդրել ԵՄ-ից՝ ընտրություններում արտաքին միջամտությունից պաշտպանվելու համար. Կալաս

15.12.2025 | 11:42

Բռնցքամարտիկ Նոել Միքայելյանը վերադարձրել է չեմպիոնական գոտին

15.12.2025 | 11:34

6 տարի էր նախատեսված, մենք 1,6 տարում ավարտում ենք․ Ավինյանը՝ Ազարյանի անվան դպրոցի մասին. ՏԵՍԱՆՅՈՒԹ

15.12.2025 | 11:22

Ծիծեռնակաբերդի խճուղու հիմնական փլուզված հատվածը վերականգնվել է․ քաղաքապետարանի պաշտոնյա. ՏԵՍԱՆՅՈՒԹ

15.12.2025 | 11:13

Սիդնեյում զինված հարձակումից հետո Ավստրալիայի վարչապետը մտադիր է խստացնել զենքի մասին օրենսդրությունը

15.12.2025 | 11:02

Պապիկյանն Աժ-ում է․ արտահերթ նիստ Պաշտպանության և անվտանգության հարցերի մշտական հանձնաժողովում․ ՈՒՂԻՂ

15.12.2025 | 11:02

ԱԺ տնտեսական հարցերի մշտական հանձնաժողովի արտահերթ նիստը՝ ՈՒՂԻՂ

15.12.2025 | 10:52

Կա հանրային պահանջ՝ տրանսպորտում վերահսկողությունը խստացնելու, 24 հաստիք կավելանա․ Ավինյան. ՏԵՍԱՆՅՈՒԹ

15.12.2025 | 10:45

«Ինտերը»՝ Իտալիայի Ա սերիայի առաջատար․ ՏԵՍԱՆՅՈՒԹ

15.12.2025 | 10:32

Փոփոխություններ ենք նախաձեռնում`օդի որակի ցուցանիշը բարելավելու համար․ բնապահպանության վարչության պետ. ՏԵՍԱՆՅՈՒԹ

Բոլորը

Բարձրագույն դատական խորհրդի աշխատակազմ Դատական դեպարտամենտի պատրաստած ֆիլմի հիման վրա դատավոր Հարություն Մանուկյանի վերաբերյալ հարուցված կարգապահական վարույթը կարճվել է։ Այս մասին հայտում են իրավապահ համակարգում Factor TV-ի աղբյուրները։

Հիշեցնենք, որ Դատական դեպարտամենտը փետրվարի 10-ին հրապարակել էր ֆիլմ, որում անդրադարձել էր 5 քրեական գործերի՝ Ռոբերտ Քոչարյանի, Լևոն Երանոսյանի, Սերժ Սարգսյանի, Մանվել Գրիգորյանի և Գագիկ Խաչատրյանի գործերի ձգձգման պատճառներին։

Լևոն Երանոսյանի գործը քննում է դատավոր Հարություն Մանուկյանը։

Դեպարտամենտի ֆիլմում ասվում էր, որ Երանոսյանի գործի ձգձգման հիմնական պատճառը դատավոր Հարություն Մանուկյանի աշխատանքի որակն է։ Բացի այդ՝ Դեպարտամենտի հասարակայնության հետ կապերի վարչության աշխատակիցները հիշեցնում էին, որ դատավորների նկատմամբ կարող է կարգապահական վարույթ հարուցվել։

Ֆիլմի հրապարակումից հետո Արդարադատության նախարարությունը վարույթ էր հարուցել դատավոր Հարություն Մանուկյանի, ինչպես նաև Ռոբերտ Քոչարյանի գործը քննած դատավոր Աննա Դանիբեկյանի վերաբերյալ, սակայն ԲԴԽ է ուղարկվել միայն Դանիբեկյանի գործը։ Այսինքն՝ Դատական դեպարտամենտի այն պնդումը, թե Երանոսյանի գործի ձգձգումների հիմնական պատճառը դատավոր Հարություն Մանուկյանի աշխատանքն է, չի համապատասխանում իրականությանը։

Հատկանշական է այն հանգամանքը, որ Բարձրագույն դատական խորհուրդը դատական իշխանությունը հեղինակազրկելու պատճառաբանությամբ դատավորներին կարգապահական պատասխանատվության է ենթարկում, բայց, ստացվում է՝ ԲԴԽ աշխատակազմ Դատական դեպարտամենտին թույլատրելի է պատրաստել ֆիլմ, թիրախավորել ու մեղադրել դատավորներին, և դա չի դիտարկվում որպես դատական իշխանության հեղինակազրկում։

Նշենք, որ Դեպարտամենտի ֆիլմում դատավոր Հարություն Մանուկյանի, Աննա Դանիբեկյանի, Վահե Միսակյանի աշխատանքը համեմատվում էր դատավորներ Մնացական Մարտիրոսյանի և Արթուր Մկրտչյանի աշխատանքի հետ և պնդում կատարվում, որ այս 5 դատավորները հավասարաչափ են ծանրաբեռնված եղել, բայց նրանցից միայն երկուսը՝ Մարտիրոսյանն ու Մկրտչյանն են որակյալ աշխատանք կատարել՝ համապատասխանաբար Մանվել Գրիգորյանի և Գագիկ Խաչատրյանի գործով։

Մինչդեռ, ուսումնասիրելով դատավորների ծանրաբեռնվածությունը, Factor TV-ն պարզել էր, որ այս 5 դատավորները հավասարաչափ ծանրաբեռնված չեն եղել։ Օրինակ՝ Վահե Միսակյանը 2022 թվականին ունեցել է 220, Հարություն Մանուկյանը՝ 245, իսկ Արթուր Մկրտչյանը՝ 37 քրեական գործ։

Արաքս Մամուլյան