07.11.2026 | 10:33
Ռոբերտ Փիլիպոսյանը՝ կայծակնային շախմատի Մ-20 ԱԱ-ի բրոնզե մեդալակիր
Կառավարությունը 109 մլն դրամի արտոնություն կտա «Վիվառոյի» Բադալյաններին
29.05.2024 | 23:16
Լուրեր
07.11.2026 | 09:42
Հայաստանը, ԱՄՆ-ն և Ադրբեջանը սկսել են TRIPP-ի տեխնիկական պլանավորման աշխատանքները
06.11.2026 | 23:10
Եվրոպայում նոյեմբերի 6-ին ավելի քան 15 չվերթի մասով պայթյունի սպառնալիք է ստացվել
2018 թվականին հիմնադրված «ՎՌ ԱՐՄԵՆԻԱՆ ՖՐՈՒԹ» ընկերությանը կառավարությունը 109 մլն դրամի արտոնություն կտրամադրի՝ ազատելով մաքսատուրքից։
Այս ընկերությունը Արագածոտնի մարզի Արագածավան համայնքի տարածքում հիմնել է 100 հեկտար մակերեսով տանձի ինտենսիվ այգի։ Ներկայացված ներդրումային ծրագրով ընկերությունը նախատեսում է նույն տարածքում հիմնել 7644 տ տարողությամբ կամ 23576 խմ ծավալով մրգերի պահպանման սառնարան։
Ծրագրի շրջանակներում նախատեսվում է իրականացնել 1․17 մլրդ դրամի ներդրում, որի շրջանակներում ԵՄ երկրներից ներկրվելու են սարքավորումներ։
Իրավաբանական անձանց պետական ռեգիստրից Factor.am-ը տեղեկանում է, որ ընկերության միակ սեփականատերը Վահե Բադալյանն է։ Նա Վիգեն Բադալյանի եղբայրն է, որն առավել հայտնի է որպես «Վիվառո» բուքմեյքերական ընկերության հիմնադիր։
Բադալյանները իշխանության բարձրաստիճան ներկայացուցիչների հետ մտերմիկ հարաբերություններ ունեն։ 2021 թվականին «Հետքը» գրել էր, որ Ազգային ժողովի նախագահ Ալեն Սիմոնյանը, նրա կինն ու իշխող խմբակցության պատգամավորներ Էդուարդ Աղաջանյանն ու Հրաչյա Հակոբյանը (վարչապետի աներորդին) սեպտեմբերի սկզբին ժամանակ են անցկացրել հունական կղզիներից մեկում գործարար, «Վիվառո» բուքմեյքերական ընկերության հիմնադիր Վիգեն Բադալյանի հետ:
Նարեկ Կիրակոսյան
