15.12.2024 | 21:00
Այսօր երիտասարդներն ավելի ինքնուրույն են, բայց պակաս տեղեկացված. ապաքաղաքական զրույց Անուշ Ասլիբեկյանի հետ․ ՏԵՍԱՆՅՈՒԹ
ԿԺԴՀ-ն աղբի պարկերով հարյուրավոր օդապարիկներ է արձակել
Քաղաքականություն
29.05.2024 | 22:50
Հարավային Կորեան ԿԺԴՀ-ին մեղադրել է աղբի պարկեր կրող բազմաթիվ օդապարիկներ արձակելու մեջ։ Այս մասին հայտնում է DW-ի ռուսական ծառայությունը։ Ինչպես նշել է Հարավային Կորեայի շտաբի պետերի միացյալ շտաբը (JCS), երեքշաբթի երեկոյան օդապարիկները հատել են սահմանը և ընկել Հարավային Կորեայի տարբեր վայրերում։ Չորեքշաբթի օրվա դրությամբ նկատվել է ավելի քան 150 նման օդապարիկ։
«Հյուսիսային Կորեայի այս գործողություններն ակնհայտորեն խախտում են միջազգային իրավունքը և լրջորեն սպառնում են մեր ժողովրդի անվտանգությանը», – JCS-ի հայտարարությունն է մեջբերում գործակալությունը:
Հարավկորեական լրատվամիջոցներում հրապարակված լուսանկարներում երևում է, որ պարկերը լցված են տարատեսակ աղբով՝ զուգարանի թուղթ, պլաստիկ շշեր, մարտկոցներ, կոշիկներ, անգամ՝ գոմաղբ:
Իշխանությունները կոչ են արել հանրությանը հայտնել օդապարիկների ընկնելու մասին և չմոտենալ դրանց: Զինվորականները քիմիական և կենսաբանական սպառնալիքի ստորաբաժանումներ են ուղարկել թափված աղբը հավաքելու և հետազոտելու համար։
