07.11.2026 | 10:33
Ռոբերտ Փիլիպոսյանը՝ կայծակնային շախմատի Մ-20 ԱԱ-ի բրոնզե մեդալակիր
Լեհաստանը Ուկրաինային թույլատրել է իր կողմից մատակարարված զենքերն օգտագործել ՌԴ տարածքին հարվածելու համար
Քաղաքականություն
29.05.2024 | 23:04
Լուրեր
07.11.2026 | 09:42
Հայաստանը, ԱՄՆ-ն և Ադրբեջանը սկսել են TRIPP-ի տեխնիկական պլանավորման աշխատանքները
06.11.2026 | 23:10
Եվրոպայում նոյեմբերի 6-ին ավելի քան 15 չվերթի մասով պայթյունի սպառնալիք է ստացվել
Լեհաստանը թույլ է տվել Ուկրաինային օգտագործել իր կողմից տրամադրված զենքերը Ռուսաստանի տարածքում թիրախներին հարվածելու համար։ Այս մասին Radio Zet-ի եթերում հայտարարել է Լեհաստանի պաշտպանության նախարարի տեղակալ Ցեզարի Տոմչիկը, գրում է Current time-ը։
«Լեհական սպառազինության վրա, որը մենք մատակարարում ենք Ուկրաինային, նման սահմանափակումներ չկան»,-ասել է նա։ Ավելի վաղ էլ բրիտանական կառավարությունն էր հանել բրիտանական զենքի՝ Ռուսաստանի ներսում կիրառման արգելքը։
«Ուկրաինան դրա իրավունքն ունի, քանի որ Ռուսաստանը հարձակվում է Ուկրաինայի տարածքի վրա, կարելի է հասկանալ, թե ինչու է Ուկրաինան զգում իր պաշտպանության մասին հոգ տանելու անհրաժեշտությունը», – Կիև կատարած այցի ժամանակ ասել էր Մեծ Բրիտանիայի արտգործնախարար Դևիդ Քեմերոնը:
Սպիտակ տանը ևս քննարկվում է այս հարցը։ Ինչպես հաղորդում է The New York Times-ը, ԱՄՆ նախագահի աշխատակազմում քննարկումը սկսվել է պետքարտուղար Էնթոնի Բլինքենի նախաձեռնությամբ՝ նրա Կիև այցից հետո։
ՆԱՏՕ-ի գլխավոր քարտուղար Յենս Ստոլտենբերգը կարծում է, որ ռազմական դաշինքի երկրները նույնպես պետք է թույլ տան Ուկրաինային զենքը օգտագործել Ռուսաստանի ռազմական օբյեկտներին հարվածելու համար։
