07.11.2026 | 10:33
Ռոբերտ Փիլիպոսյանը՝ կայծակնային շախմատի Մ-20 ԱԱ-ի բրոնզե մեդալակիր
2024թ․ առաջին երեք ամսում ՌԴ-ից արտաքսվել է շուրջ 22 հազար օտարերկրյա քաղաքացի, 669 մարդ զրկվել է ՌԴ քաղաքացիությունից
Քաղաքականություն
28.05.2024 | 23:13
Լուրեր
07.11.2026 | 09:42
Հայաստանը, ԱՄՆ-ն և Ադրբեջանը սկսել են TRIPP-ի տեխնիկական պլանավորման աշխատանքները
06.11.2026 | 23:10
Եվրոպայում նոյեմբերի 6-ին ավելի քան 15 չվերթի մասով պայթյունի սպառնալիք է ստացվել
2024 թվականի հունվարից մինչև ապրիլ Ռուսաստանից արտաքսվել է մոտ 22 հազար օտարերկրյա քաղաքացի, ինչը գրեթե երկու անգամ ավելի է, քան նախորդ տարվա նույն ժամանակահատվածում։ Այս մասին գրում է «Верстка»-ն՝ վկայակոչելով ՌԴ ՆԳՆ-ի վերլուծական զեկույցը։
Ռուսաստանից արտաքսման սպասող հատուկ հաստատություններում ավելի քան 6,8 հազար օտարերկրացի է պահվել, ինչը նույնպես երկու անգամ ավելին է, քան նախորդ տարի։
Աճել է նաև Ռուսաստան մուտք գործելու մերժումների թիվը. եթե 2023 թվականի առաջին երեք ամիսներին Ռուսաստանի Դաշնություն թույլ չի տրվել մուտք գործել 55 հազար օտարերկրացու, ապա այս տարվա առաջին եռամսյակում՝ արդեն 79 հազար։ Տրված ժամանակավոր կեցության թույլտվությունների թիվը նվազել է 40,9%-ով, իսկ կեցության թույլտվություններինը՝ 20,1%-ով։
Ռուսաստանի անվտանգության ուժերի կողմից «անօրինական միգրացիայի» կազմակերպման հետ կապված հանցագործությունների թիվը (Քրեական օրենսգրքի 322.1 հոդված) աճել է 2,5 անգամ։
Նախորդ տարվա նույն ժամանակահատվածի համեմատ՝ քաղաքացիություն ստացածների թիվը նվազել է 49%-ով։ ՌԴ ՆԳՆ-ն հայտարարել է, որ դա պայմանավորված է այս հատվածում վերահսկողության խստացմամբ և Ուկրաինայի օկուպացված տարածքների բնակիչներին Ռուսաստանի քաղաքացիներ ճանաչելով։ Ռուսաստանի քաղաքացիությունից զրկվել է 669 մարդ։
