06.12.2025 | 22:41
Պետք է շարունակենք մեր ծառայությունը բերել մեր ժողովրդին. Գարեգին Բ-ն` Փաշինյանի քայլերի մասին. ՏԵՍԱՆՅՈՒԹ
Ադրբեջանում մի քանի երկրների դեսպաններ Բերձորում են․ ԼՈՒՍԱՆԿԱՐՆԵՐ
Քաղաքականություն
24.05.2024 | 13:54
Ադրբեջանում հավատարմագրված դիվանագիտական կորպուսների ներկայացուցիչների, այդ թվում՝ ռազմական կցորդների այցն է կազմակերպվել Բերձոր։ Ադրբեջանական լրատվամիջոցները հաղորդում են, որ այցի ընթացքում նրանք մասնակցում են COP29-ի շրջանակում կազմակերպված «Lachin Climate Action Dialogue»-ին։
Դիվանագետները նաև քաղաքում շրջայց են կատարելու։
Ադրբեջանական լրատվամիջոցներում տարածված լուսանկարներից երևում է, որ Բերձոր այցելած օտարերկրյա դիվանագետների թվում է նաև Ադրբեջանում Ֆրանսիայի դեսպան Անն Բուայոնը, ՄԱԿ-ի մշտական համակարգող Վլադենկա Անդրեևան, Թուրքիայի դեսպանը, Ուկրաինայի նորանշակ դեսպանը, այլ դիվանագետներ։
Հիշեցնենք՝ ապրիլի կեսերին Ֆրանսիայի ԱԳՆ-ն հայտնել էր, որ որոշել է հետ կանչել Ադրբեջանում իր դեսպանին խորհրդակցությունների համար՝ կապված վերջին ամիսներին Ադրբեջանի կողմից երկու երկրների հարաբերությունները վնասող միակողմանի գործողությունների հետ։ Ավելի ուշ ադրբեջանական լրատվամիջոցները հայտնեցին, որ դեսպանը վերադարձել է Բաքու և շարունակում է դիվանագիտական գործունեությունը։
Էմմա Չոբանյան
