07.11.2026 | 10:33
Ռոբերտ Փիլիպոսյանը՝ կայծակնային շախմատի Մ-20 ԱԱ-ի բրոնզե մեդալակիր
Դաշնային խորհուրդը վավերացրել է ՌԴ-ին Թուրքիայի պարտքի վերաձևակերպման արձանագրությունը
Քաղաքականություն
22.05.2024 | 22:44
Լուրեր
07.11.2026 | 09:42
Հայաստանը, ԱՄՆ-ն և Ադրբեջանը սկսել են TRIPP-ի տեխնիկական պլանավորման աշխատանքները
06.11.2026 | 23:10
Եվրոպայում նոյեմբերի 6-ին ավելի քան 15 չվերթի մասով պայթյունի սպառնալիք է ստացվել
ՌԴ Դաշնային խորհուրդը լիագումար նիստում հավանություն է տվել Թուրքիայի հետ 2017 թվականի պետական արտահանման վարկ տրամադրելու մասին միջկառավարական համաձայնագրի թիվ 2 արձանագրության վավերացման մասին օրենքին։ Արձանագրությունը նախատեսում է Ռուսաստանի Դաշնության հանդեպ Թուրքիայի պարտքի վերաձևակերպում։ Այն ստորագրվել է 2023 թվականի օգոստոսի 18-ին Մոսկվայում և նույն թվականի օգոստոսի 24-ին՝ Անկարայում, փոխանցում է ՏԱՍՍ-ը։
ՌԴ ֆինանսների փոխնախարար Ալեքսեյ Սազանովն ավելի վաղ պարզաբանել էր, որ պետական վարկի գումարը կազմում է 726 մլն դոլար։ Նրա խոսքով՝ մինչև 2022 թվականը թուրքական կողմը ժամանակին լրիվ ծավալով կատարել է իր պարտավորությունները, սակայն արևմտյան հակառուսական պատժամիջոցների սահմանումից հետո Անկարան չի կարողացել կատարել 111 միլիոն դոլարի չափով վճարումները 2022 և 2023 թվականներին՝ «իրենից չկախված պատճառներով»։
Քանի որ Թուրքիան վճարումները չկատարելու հարցում մեղք չունի, երկու երկրների կառավարությունները ստորագրել են թիվ 2 արձանագրությունը, որը նախատեսում է ժամկետանց պարտքի մարում 60 օրվա ընթացքում՝ դրա կիրառումը սկսելու օրվանից։ Եթե վճարումը կատարվի սահմանված ժամկետում, ապա տուգանքային տոկոսներ չեն հաշվառվի:
Սազանովի խոսքով՝ 2023 թվականի սեպտեմբերին թուրքական կողմն ամբողջությամբ մարել է ժամկետանց պարտքը, իսկ արձանագրությունը նախատեսում է տուգանքային տոկոսների պարտքի ներում՝ 17 միլիոն դոլարի չափով։
