23.11.2024 | 13:14
Անահիտ Ավանեսյանը այցելել է «Հանրապետական շտապօգնության ծառայության» Շիրակի մարզային կայան
Ադրբեջանի Մեջլիսի խոսնակը մանրամասներ է հայտնել Ժնևում Ալեն Սիմոնյանի հետ հանդիպումից
Քաղաքականություն
21.05.2024 | 12:11
Ադրբեջանի Միլլի Մեջլիսի նախագահ Սահիբա Գաֆարովան խորհրդարանի այսօրվա նիստում խոսել է Ժնևում ՀՀ ԱԺ նախագահ Ալեն Սիմոնյանի հետ տեղի ունեցած հանդիպման մասին։ Ադրբեջանական լրատվամիջոցների փոխանցմամբ՝ Գաֆարովան ասել է, որ հանդիպմանը քննարկվել է Ադրբեջանի և Հայաստանի միջև բանակցությունների ֆոնին երկու երկրների խորհրդարանների ներդրումը խաղաղության գործընթացում։
«Հանդիպումն անցել է կառուցողական մթնոլորտում, կողմերը պայմանավորվել են շարունակել երկխոսությունը խորհրդարանների միջև»,- նշել է նա։
Հիշեցնենք, որ Միջխորհրդարանական միության (IPU) խորհրդարանների նախագահների վեցերորդ համաշխարհային համաժողովի նախապատրաստական հանձնաժողովի առաջին նիստի շրջանակում մայիսի 16-ին կազմակերպության միջնորդությամբ տեղի էր ունեցել ՀՀ ԱԺ նախագահ Ալեն Սիմոնյանի հանդիպումն Ադրբեջանի Միլլի Մեջլիսի նախագահ Սահիբա Գաֆարովայի հետ:
