09.09.2026 | 17:23
ԱՄՆ-ն չինական ընկերություններին մեղադրել է ամերիկյան արհեստական բանականության տեխնոլոգիաները պատճենելու մեջ
ԱՄՆ Պետդեպն արձագանքել է Թուրքիայի կողմից բյուզանդական եկեղեցին մզկիթի վերածելուն
09.05.2024 | 22:30
ԱՄՆ Պետքարտուղարությունը տեղյակ է Թուրքիայի կողմից մեկ այլ պատմական բյուզանդական եկեղեցի մզկիթի վերածելու մասին և կոչ է անում կառավարությանը՝ «հարգել տարբեր կրոնական համայնքների ժառանգության վայրերի բազմազան պատմությունները», գրոում է ekathimerini-ին։
«Մենք տեղյակ ենք, որ Չորայի թանգարանը, որը Համաշխարհային ժառանգության օբյեկտ է, վերաբացվել է որպես մզկիթ, և մենք ձեզ ուղղորդում ենք դեպի Թուրքիայի կառավարություն՝ լրացուցիչ մանրամասների համար»,- ասել է Պետքարտուղարության ներկայացուցիչը՝ պատասխանելով պետական աթենամակեդոնական լրատվական գործակալությանը (AMNA):
«Մենք կոչ ենք անում թուրքական կառավարությանը պահպանել և ապահովել այն վայրերն ու շինությունները, որտեղ տեղակայված են տարբեր կրոնական համայնքներ՝ հարգելով նրանց բազմազան պատմությունները»,- նշել է պաշտոնյան, որի անունը չի նշվում:
Թուրքիան 2020 թվականին պաշտոնապես մզկիթի է վերածել Չորայի բյուզանդական ժամանակաշրջանի Սուրբ Փրկիչ եկեղեցին, որը հայտնի է թուրքերեն Կարիյե անունով։ Նույն կերպ մզկիթի է վերածվել Ստամբուլի նշանավոր Սուրբ Սոֆիայի տաճարը։
Պաշտոնապես, սակայն, եկեղեցին որպես մզկիթ Թուրքիայի նախագահ Ռեջեփ Թայիփ Էրդողանի կողմից բացվել է երկուշաբթի՝ հունական ուղղափառ Սուրբ Զատկի տոնից մեկ օր անց, որն էլ արժանացել է պաշտոնական Աթենքի և հունական ուղղափառ եկեղեցու քննադատությանը:
