07.11.2026 | 10:22
Արմեն Գրիգորյանը վերընտրվել է Գլխավոր դատախազին առընթեր էթիկայի հանձնաժողովի անդամ
Գրոսսին դժգոհ է Իրանի և ՄԱԳԱՏԷ-ի համագործակցության մակարդակից
Քաղաքականություն
08.05.2024 | 22:00
Լուրեր
07.11.2026 | 09:42
Հայաստանը, ԱՄՆ-ն և Ադրբեջանը սկսել են TRIPP-ի տեխնիկական պլանավորման աշխատանքները
06.11.2026 | 23:10
Եվրոպայում նոյեմբերի 6-ին ավելի քան 15 չվերթի մասով պայթյունի սպառնալիք է ստացվել
ՄԱԳԱՏԷ-ի գլխավոր տնօրեն Ռաֆայել Գրոսսին միջուկային ծրագրի շուրջ Իրանի համագործակցության մակարդակն «ամբողջովին անբավարար» է անվանել։ Նա նման հայտարարությունն արել է Իրանում միջուկային համաժողովին մասնակցելուց հետո, գրում է VOA-ն։
Գրոսսին Թեհրանին կոչ է արել կոնկրետ միջոցներ ձեռնարկել Իսլամական Հանրապետության միջուկային ծրագրի արագ զարգացման հետ կապված մտահոգությունները վերացնելու համար:
Իրանն ու ՄԱԳԱՏԷ-ն շարունակում են բանակցությունները երկրի միջուկային ծրագրի տեսչական ստուգումների ընդլայնման համաձայնագրի շուրջ։
«Մենք պետք է առաջ շարժվենք։ Գործերի ներկա վիճակը ինձ լիովին անբավարար է թվում։ Մենք գրեթե փակուղում ենք, և դա պետք է փոխվի»,- Վիեննայում լրագրողներին ասել է Գրոսսին:
Հունվարին Գրոսսին նախազգուշացրել էր, որ Իրանը բավականաչափ բարձր հարստացված ուրան է կուտակել, որոնք կբավականացնեն մի քանի ատոմային ռումբ ստեղծելու համար, եթե Թեհրանը վճռի ստեղծել այն: Գրոսսիի խոսքով՝ ՄԱԳԱՏԷ-ն չի կարող երաշխավորել, որ իրանական ցենտրիֆուգները չեն օգտագործվում ուրանի գաղտնի հարստացման համար։
«Ստուգումները [Իրանում] չեն համապատասխանում այն մակարդակին, որ պետք է լինի»,- ապրիլին Sky News-ին ասել էր Գրոսին:
