30.05.2026 | 19:53
«Յունիսպորտը»` ֆուտզալի Հայաստանի չեմպիոն. ՏԵՍԱՆՅՈՒԹ
Ադրբեջանի ընդդիմադիր կուսակցության ղեկավարը ԵՄ դեսպանի հետ քննարկել է երկրում մարդու իրավունքների իրավիճակը
Քաղաքականություն
08.05.2024 | 22:14
Ադրբեջանի ընդդիմադիր «Ժողովրդական ճակատ» կուսակցության նախագահ Ալի Քերիմլին և Ադրբեջանում ԵՄ պատվիրակության ղեկավար, դեսպան Պետր Միխալկոն նախօրեին տեղի ունեցած հանդիպմանը երկրում մարդու իրավունքների իրավիճակը, հավաքների ազատության հարցեր են քննարկել։ Այս մասին Քերիմլին հայտնել է X-ում գրառմամբ։
«Ես հանդիպել եմ Ադրբեջանում Եվրամիության պատվիրակության ղեկավար Պետեր Միխալկոյի հետ։ Հանդիպմանը քննարկել ենք Ադրբեջան-Եվրոպա հարաբերությունները, ԵՄ-ին Ադրբեջանի ինտեգրման հեռանկարները, մեր երկրում քաղբանտարկյալների հարցը, հավաքների ազատությունը և ընտրական բարեփոխումները»,- նշել է նա։
Նշենք, որ ընդդիմադիր ուժերին միավորող Ժողովրդավարական ուժերի ազգային խորհուրդը որոշել է հանրահավաք անցկացնել մայիսի 19-ին։
Ավելի վաղ Բաքվի գործադիր իշխանությունը երկու անգամ մերժել էր արտոնել նախ՝ ապրիլի 21-ին, ապա մայիսի 5-ին նշանակված հանրահավաքները։
Հերթական ակցիան նախաձեռնվել է քաղբանտարկյալների ազատ արձակման, ընտրական բարեփոխումների, Ադրբեջանի և ԵՄ-ի միջև նոր համաձայնագրի ստորագրման, ցամաքային սահմանների բացման, աշխատավարձերի, կենսաթոշակների բարձրացման և այլ պահանջներով։
