07.11.2026 | 10:22
Արմեն Գրիգորյանը վերընտրվել է Գլխավոր դատախազին առընթեր էթիկայի հանձնաժողովի անդամ
Թուրքիան շարունակում է ԻԼԻՊ-ի դեմ գործողությունները․ մեկ շաբաթում ավելի քան 100 մարդ է ձերբակալվել
Քաղաքականություն
30.04.2024 | 22:32
Լուրեր
07.11.2026 | 09:42
Հայաստանը, ԱՄՆ-ն և Ադրբեջանը սկսել են TRIPP-ի տեխնիկական պլանավորման աշխատանքները
06.11.2026 | 23:10
Եվրոպայում նոյեմբերի 6-ին ավելի քան 15 չվերթի մասով պայթյունի սպառնալիք է ստացվել
Թուրքական ոստիկանությունը Ստամբուլում նախօրեին ձերբակալել է ևս ութ անձի՝ «Իսլամական պետություն» ահաբեկչական խմբավորման հետ ենթադրյալ կապերի համար։ Այսպիսով, մեկ շաբաթվա ընթացքում ձերբակալվածների ընդհանուր թիվը հասել է ավելի քան 100-ի, գրում է Al Monitor-ը։
Թուրքիայի ներքին գործերի նախարար Ալի Երլիքայան ասել է, որ ձերբակալվածների թվում կա մի անձ, որը նույնականացվել է միայն Կ․Ա սկզբնատառերով և, ենթադրաբար, պատրաստվել է ռումբի գործադրմամբ հարձակում իրականացնել Թուրքիայի տարածքում: Նա ասել է, որ Ստամբուլի Բեյքոզ թաղամասում կասկածյալի բնակարանում խուզարկության ժամանակ առգրավված քիմիական նյութերը «կարող էին լայնամասշտաբ պայթյուններ առաջացնել»։
TRT-ի հաղորդմամբ՝ կասկածյալները մտադիր էին պայթյուն իրականացնել Ստամբուլում մայիսի 1-ին աշխատավորների օրվա կապակցությամբ ցույցերի ժամանակ։ Կ.Ա.-ն Սիրիայի քաղաքացի է, որը նախկինում պայթուցիկ նյութերի պատրաստելու դասընթաց է անցել Սիրիայում: Մեկ այլ կասկածյալ էլ, որը ճանաչվել է որպես Մ.Հ․, Աֆղանստանի քաղաքացի է։
Այս գործողության արդյունքում մեկ շաբաթվա ընթացքում ԻԼԻՊ-ի հետ ենթադրյալ կապերի պատճառով ձերբակալվածների թիվը հասել է 105-ի:
Ապրիլի 21-ից ի վեր չորս առանձին գործողություններ են իրականացվել Թուրքիայի շուրջ 20 նահանգներում երկրի արևմտյան, հարավ-արևելյան և կենտրոնական շրջաններում, այդ թվում՝ Էգեյան ծովի նավահանգստային Իզմիր նահանգում, Կենտրոնական Անատոլիայի Կայսերի նահանգում և Սիրիայի սահմանի հարավարևելյան Հաթայ նահանգում։
