07.11.2026 | 10:22
Արմեն Գրիգորյանը վերընտրվել է Գլխավոր դատախազին առընթեր էթիկայի հանձնաժողովի անդամ
ՌԴ-ում վերջին 5 տարիներին առնվազն 26 լրագրող է դատապարտվել կամ ձերբակալվել, հիմնականում՝ ռուսական բանակի մասին «ֆեյքերի» մեղադրանքով
Քաղաքականություն
30.04.2024 | 23:14
Լուրեր
07.11.2026 | 09:42
Հայաստանը, ԱՄՆ-ն և Ադրբեջանը սկսել են TRIPP-ի տեխնիկական պլանավորման աշխատանքները
06.11.2026 | 23:10
Եվրոպայում նոյեմբերի 6-ին ավելի քան 15 չվերթի մասով պայթյունի սպառնալիք է ստացվել
Ռուսաստանում վերջին հինգ տարվա ընթացքում առնվազն 26 լրագրող է դատապարտվել կամ ձերբակալվել։ Ամենից հաճախ նրանք մեղադրվում են ռուսական բանակի մասին «կեղծ լուրեր» տարածելու մեջ (ՌԴ Քրեական օրենսգրքի 207.3 հոդված), հաշվարկել է «Верстка»-ն, փոխանցում է Current Time-ը։
Ներկայացված տվյալները վերաբերում են 2019-ից 2024 թվականներին։ Այդ ընթացքում ռուսական դատարաններըն իրական պատժի են դատապարտել 11 լրագրողի։ Առավելագույն պատիժը՝ 22 տարվա ազատազրկում դավաճանության գործով, 2022 թվականին ստացել է «Կոմերսանտ» և «Վեդոմոստի» թերթերի նախկին թղթակից Իվան Սաֆրոնովը։ Նվազագույն պատիժը՝ 2 տարվա ազատազրկում, դատարանը սահմանել է «МК Черноземье»-ի նախկին հրատարակիչ Դենիս Շայկինի նկատմամբ։
Դատարանը պայմանական պատիժ է սահմանել երկու լրագրողների՝ Արտեմ Պրոխորովի (2,5 տարի) և Վլադիմիր Պանֆիլովի (3 տարի) նկատմամբ։ Դատարանը նաև լրագրող Անդրեյ Նովաշովին դատապարտել է 8 ամսվա հարկադիր աշխատանքի, իսկ Forbes-ի լրագրող Սերգեյ Մինգազովին տնային կալանք է սահմանել։
Տասը լրագրող, ըստ հրապարակման, ներկայում քննչական մեկուսարաններում է։ Նրանց թվում են «Ազատություն» ռադիոկայանի թաթար-բաշկիրական ծառայության լրագրող Ալսու Կուրմաշևան և The Wall Street Journal-ի լրագրող Էվան Գերշկովիչը։
