Հասարակություն
22.04.2024 | 21:00Դատական օրենսգրքում կատարված փոփոխությունների հետևանքով ռեզերվային կարգավիճակ ստացած դատավորները վերջին մեկ տարվա ընթացքում ավելի քան 113 մլն դրամ աշխատավարձ են ստացել պետությունից, թեև չեն աշխատել։ Պատճառն օրենսդրական փոփոխություններն են։
2021 թվականին Դատական օրենսգրքում տեղի ունեցան փոփոխություններ, համաձայն որոնց՝ ընդհանուր իրավասության դատարաններում դատավորների մի խումբ քննելու էր միայն քրեական գործեր, մեկ այլ խումբ՝ միայն կալանքի և նախաքննության ընթացքում դատարանի թույլտվությամբ իրականացվող այլ գործողությունների վերաբերյալ միջնորդություններ ու բողոքներ։ Այս փոփոխություններից հետո նոր դատավորներ նշանակվեցին, որոնք ստացան «կալանքի դատարանի դատավորներ» կամ առանձին գործեր քննող դատավորներ պայմանական անվանումը։
Սակայն ընդամենը մեկ տարի անց՝ 2022-ի տարեվերջին, պետությունը հրաժարվեց առանձին գործեր քննող դատավորների ինստիտուտից՝ շարունակելով դատավորի կարգավիճակ ստացած դատավորներին առանց աշխատելու աշխատավարձ վճարել։
Կարո՞ղ են, արդյոք, դատական համակարգում նման կառուցվածքային փոփոխություներն ունենալ ընդամենը 1 տարվա կյանք, որքանո՞վ է քաղհասարակությունը մասնակից դարձել այս փոփոխություններին և ո՞վ պետք է պատասխան տա ձախողված փոփոխությունների համար։ Այս և այլ հարցերի վերաբերյալ զրուցել ենք «Իրավունքների պաշտպանություն առանց սահմաննների» հասարակական կազմակերպության իրավական հարցերով փորձագետ Հասմիկ Հարությունյանի հետ։
Մանրամասները՝ տեսանյութում։
Արաքս Մամուլյան
