20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
2111 բեռնատարի վարորդ տուգանվել է չթույլատրված ժամի Երևանի կենտրոն մտնելու համար․ ՆԳՆ
Հասարակություն
12.04.2024 | 13:25
Երևանի քաղաքապետարանը 2023 թվականի նոյեմբերի 13-ից արգելեց Երևանի կենտրոնի շուրջ 40 փողոցներում և պողոտաներում ժամը 07։00 – 21։00-ն ընկած ժամանակահատվածում առավելագույն զանգվածը 2.5 տոննա բեռնատարների երթևեկությունը։ Ներքին գործերի նախարարությունը Factor.am-ի հարցմանն ի պատասխան հայտնել է, որ նոյեմբերի 13-ից մինչև մարտի 15-ը չթույլատրված ժամերին բեռնատարների երթևեկության խախտման 2111 դեպք է գրանցվել։
Դրանցից 11-ը արձանագրել են ՆԳՆ ոստիկանության պարեկային ծառայության աշխատակիցները, կայացվել է 9 որոշում և 2-ի դեպքում կիրառվել է նախազգուշացում: Արձանագրությունները կազմվել են Մ. Հերացու, Խանջյան, Ագաթանգեղոսի փողոցներում, Իսակովի պողոտայում Հրազդանի կիրճում։
Տեխնիկական միջոցներով (տեսախցիկներով) հայտնաբերված նմանատիպ իրավախախտումների փաստերով կազմվել է 2100 վարչական տույժ նշանակելու որոշում: Խախտումներն արձանագրվել են Պարոնյան-Լեո, Պարոնյան-Մ.Մաշտոց, Գր.Լուսավորիչ- Իտալիա, Ագաթանգեղոս-Մ.Խորենացի, Տ.Մեծ-Խանջյան, Խանջյան-Արամ, Սայաթ-Նովա- Խանջյան, Աբովյան-Կորյուն, Աբովյան-Տերյան, Մ.Մաշտոց-Իսահակյան, Մ.Մաշտոց- Մոսկովյան, Մ.Բաղրամյան-Մոսկովյան և Նալբանդյան-Իսահակյան խաչմերուկներում:
Այս վարչական իրավախախտման արձանագրության դեպքում վարորդները պարտավորվում են վճարել 5000 դրամ։
Անի Թամրազյան
