14.09.2026 | 23:23
Պապիկյանի գլխավորած պատվիրակությունն աշխատանքային այցով մեկնել է Չինաստան
Արցախից տեղափոխված Սարգիս Գալստյանը կալանավորվել է լրտեսության մեղադրանքով․ՔԿ
Հասարակություն
03.04.2024 | 15:40
Արցախից Հայաստան տեղափոխված Սարգիս Գալստյանը կալանավորվել է լրտեսության մեղադրանքով, այս մասին Factor.am-ին տեղեկացրեց Քննչական կոմիտեի մամուլի խոսնակ Գոռ Աբրահամայնը։
«Մարտի 31-ին քրեական վարույթ է նախաձեռնվել, որի շրջանակներում Սարգիս Գալստյանին ներկայացվել է մեղադրանք՝ լրտեսության համար և նրա նկատմամբ որպես խափանման միջոց է ընտրվել կալանքը»,- մարամասնեց ՔԿ խոսնակը։
Նա այլ տեղեկություններ չփոխանցեց՝ հղում անելով նախաքննության շահերը։ Ավելի վաղ «Լուրեր»-ը հայտնել էր, որ մարտի 29-ին Կարմիր խաչի միջազգային կոմիտեի ուղեկցությամբ Լեռնային Ղարաբաղից Հայաստան է տեղափոխվել երկու անձ։
Հիշեցնենք՝ Արցախից 100 հազարից ավելի հայերի բռնի տեղահանումից շուրջ 10 օր անց տեղեկություններ շրջանառվեցին, որ հոկտեմբերի 3-ին Ադրբեջանի նախագահը օկուպացված Ստեփանակերտի պարետ է նշանակել հայազգի Սարգիս Գալստյանին։ Այս տեղեկությունը պաշտոնապես ոչ ոք չհաստատեցվ, սկզբնաղբյուրը լրագրող Թաթուլ Հակոբյանն էր։
Սարգիս Գալստյանը սեպտեմբերի 28-ին Սարգիս Շահրամանյանի հրամանագրով նշանակվել էր Արցախի նախագահի աշխատակազմի ղեկավարի տեղակալ։
