Քաղաքականություն
31.03.2024 | 10:30
Ադրբեջանի ՊՆ-ն հաղորդագրություն է տարածել, որում պնդում է, թե «հայ-ադրբեջանական պայմանական սահմանի տարբեր ուղղություններում առկա է կենդանի ուժի, զրահատեխնիկայի, հրետանային կայանքների, ինչպես նաև այլ ծանր հրաձգային զինատեսակների կենտրոնացում և Հայաստանի զինված ուժերի ստորաբաժանումների ինտենսիվ տեղաշարժ»:
Ադրբեջանի ՊՆ-ն հայտարարել է, որ «իրենց դեմ ռազմական սադրանքի ցանկացած փորձ վճռականորեն կճնշվի»։
Գերատեսչությունը հավելել է, որ վերջին օրերին իբրև թե արձանագրել են «հայկական կողմից Ադրբեջանի նկատմամբ ագրեսիվ հռետորաբանության աճ՝ դա գնահատելով որպես իրավիճակը սրելու մտադրություն՝ պատրաստվելով սադրանքի փորձերի»։
