03.06.2026 | 00:40
Փաշինյանը Էրդողանի հետ քննարկել է Ախալքալաք–Կարս երկաթուղով Հայաստանից արտահանումների հարցը
Ահաբեկչությունը կրկին թիրախավորել է անպաշտպան մարդկանց. Բորելն արձագանքել է Մոսկվայում տեղի ունեցածին
Քաղաքականություն
23.03.2024 | 18:28
ԵՄ արտաքին հարաբերությունների և անվտանգության հարցերով բարձր ներկայացուցիչ Ժոզեպ Բորելը դատապարտել է Մոսկվայի մարզում գտնվող «Կրոկուս Սիթի Հոլ» առևտրի կենտրոնում տեղի ունեցած ահաբեկչությունը։
«Ահաբեկչությունը կրկին թիրախավորել է անպաշտպան մարդկանց։ Միջազգային հանրությունը պետք է ամուր համախմբվածություն պահպանի ահաբեկչության նման արհավիրքի դեմ պայքարում»,- գրել է Բորելը։
Հիշեցնենք, որ մերձմոսկովյան « Կրոկուս Սիթի Հոլլում», որտեղ պետք է կայանար «Պիկնիկ» խմբի համերգը, պայթյուն է տեղի ունեցել: Մինչ այդ տեղեկություն էր ստացվել «Կրոկուս Սիթի Հոլ»-ում կրակոցների մասին:
ՌԴ նախագահ Վլադիմիր Պուտինը հայտարարել է, որ մարտի 24-ին Ռուսաստանում համազգային սուգ է հայտարարվել՝ «Կրոկուս Սիթի Հոլլում» տեղի ունեցած ահաբեկչության կապակցությամբ։
ՌԴ-ում ՀՀ դեսպանությունը հերքել է ահաբեկչությանը հայերի ենթադրյալ մասնակցության մասին լուրերը։
Վերջին տվյալներով՝ զոհերի թիվը հասել է 133-ի։
