14.12.2024 | 17:43
Հաստատվել է ՖԻՖԱ Աշխարհի 2026 թվականի առաջնության որակավորման փուլի խաղացանկը
Ահաբեկչությունն ազգություն չի ճանաչում. Պուտինն ուղերձով դիմել է ժողովրդին
Քաղաքականություն
23.03.2024 | 17:17
«Կրոկուս Սիթի Հոլում» տեղի ունեցած հանցագործության բոլոր կատարողները, կազմակերպիչներն ու պատվիրատուները արդար պատիժ կկրեն, դա հարված է Ռուսաստանին և ռուս ժողովրդին, ասել է ՌԴ նախագահ Վլադիմիր Պուտինը Մոսկվայի շրջանում տեղի ունեցած ահաբեկչությունից հետո ռուսաստանցիներին ուղղված ուղերձում:
«Այս հանցագործության բոլոր կատարողները, կազմակերպիչներն ու պատվիրատուները կրելու են արդար և անխուսափելի պատիժ։ Ով էլ որ նրանք լինեն, ով էլ, որ նրանց առաջնորդի: Կրկնեմ՝ մենք կպատժենք բոլոր նրանց, ովքեր կանգնած են ահաբեկիչների թիկունքում, ովքեր պատրաստել են այդ ոճրագործությունը։ Դա հարված է Ռուսաստանին, մեր ժողովրդին»,- ասել է Պուտինը՝ նշելով, որ ահաբեկչությունն ազգություն չի ճանաչում։
Պուտինը հայտարարել է, որ մարտի 24-ին Ռուսաստանում համազգային սուգ է հայտարարվել՝ «Կրոկուս Սիթի Հոլլում» տեղի ունեցած ահաբեկչության կապակցությամբ։
ՌԴ-ում ՀՀ դեսպանությունը հերքել է ահաբեկչությանը հայերի ենթադրյալ մասնակցության մասին լուրերը։
Հիշեցնենք, որ մերձմոսկովյան « Կրոկուս Սիթի Հոլլում», որտեղ պետք է կայանար «Պիկնիկ» խմբի համերգը, պայթյուն է տեղի ունեցել: Մինչ այդ տեղեկություն էր ստացվել «Կրոկուս Սիթի Հոլ»-ում կրակոցների մասին:
Վերջին տվյալներով՝ 115 մարդ է զոհվել:
