26.04.2026 | 21:21
Իրավիճակը Մալիում․ մահացել է պաշտպանության նախարարը, երկրում թեժ մարտեր են
«Կրոկուս Սիթի Հոլլ»-ում զոհերի թիվը հասել է 93-ի և դեռ կաճի․ ՌԴ Քննչական կոմիտե
Հասարակություն
23.03.2024 | 12:51
Ռուսաստանի Քննչական կոմիտեի տվյալներով՝ ներկայումս պարզվել է, որ Մոսկվայի «Կրոկուս Սիթի Հոլլ»-ում տեղի ունեցած ահաբեկչության հետևանքով զոհվածների թիվը հասել է 93 -ի։ Նախնական տվյալներով՝ մահվան պատճառ են հանդիսացել հրազենային վնասվածքները և հրդեհից թունավորումը․ հայտնել են վարչությունից և նշել, որ զոհերի թիվը կավելանա․ գրում է riavrn.ru-ն։
« Համերգասրահի տարածքի զննության նախնական արդյունքները ցույց են տալիս, որ ահաբեկիչները հարձակման ժամանակ օգտագործել են ավտոմատ զենքեր, որոնք իրենց թողած զինամթերքի հետ միասին հայտնաբերել և առգրավել են քննիչները։ Այս իրեղեն ապացույցների հիման վրա ներկայումս կատարվում են բալիստիկ, գենետիկական և մատնահետքային փորձաքննություններ։ Պարզվել է նաև, որ ահաբեկիչները դյուրավառ հեղուկով հրկիզել են համերգասրահի տարածքը, որտեղ հանդիսատեսներ են եղել, այդ թվում՝ վիրավորներ»,- գրում է ՌԴ Քննչական կոմիտեն։
Հիշեցնենք, որ մերձմոսկովյան « Կրոկուս Սիթի Հոլլում», որտեղ պետք է կայանար «Պիկնիկ» խմբի համերգը, պայթյուն է տեղի ունեցել: Մինչ այդ տեղեկություն էր ստացվել «Կրոկուս Սիթի Հոլլ»-ում կրակոցների մասին:
