14.01.2026 | 23:33
Կառավարությունը փոփոխություն է առաջարկում ավագանու անդամների հրաժարականի կարգում
ՆԳՆ պաշտոնյան մահացու վրաերթի է ենթարկել 60-ամյա մի կնոջ․ Դանիել Իոաննիսյան
Հասարակություն
23.03.2024 | 11:39
Երկու օր առաջ Պարոնյան փողոցում Ոստիկանության ավտոտնտեսության պետ Վարդան Ավագյանի մասնակցությամբ վթար է տեղի ունեցել, որի հետևանքով մի կին է մահացել:
Քննչական կոմիտեի մամուլի խոսնակ Գոռ Աբրահամյանը Factor.am-ի հետ զրույցում ասաց, որ վթարի դեպքով քրեական վարույթ է նախաձեռնվել Քրեական օրենսգրքի 342-րդ հոդվածի 1-ին մասով (ճանապարհային երթևելության կանոնները խախտելը, որն անզգուշությամբ առաջացրել է մարդու մահ), անձն ինքնկամ է ներկայացել իրավապահներին ու հայտնել վթարի մասին: Վերջինիս մեղադրանք է ներկայացվել և խափանման միջոց ընտրվել բացակայելու արգելքը: Աբրահամյանը նաև նշեց, որ գործի շրջանակներում բողոք չի ներկայացվել:
«Իրազեկ քաղաքացիների միավորում» հասարակական կազմակերպության ծրագրերի համակարգող Դանիել Իոաննիսյանը «Ֆեյսբուք» սոցիալական ցանցի իր էջում գրել է, որ կնոջը վրաերթի ենթարկածն, իր տեղեկություններով ՆԳՆ ոստիկանության պետ Վահե Ղազարյանի ընկերն է, վրաերթը կատարել է խմած վիճակում՝ oպերատիվ համարանիշերով ծառայողական ավտոմոբիլով: Գոռ Աբրահամյանը մեզ հետ զրույցում ասաց, որ մեղադրյալի խմածության վերաբերյալ տվյալներ չունեն:
Արաքս Մամուլյան
