15.09.2026 | 14:11
ԿԲ նախագահ Մարտին Գալստյանի ասուլիսը. ՈՒՂԻՂ
ՀՀ ԱԳ փոխնախարարն ու Քեյթ Նյուտոնը քննարկել են պարենային անվտանգության ոլորտում իրականացվող աշխատանքներին առնչվող հարցեր
Քաղաքականություն
19.03.2024 | 23:03
Մարտի 18-ին ՀՀ ԱԳ նախարարի տեղակալ Վահան Կոստանյանն ընդունել է ՄԱԿ-ի Պարենի համաշխարհային ծրագրի Մերձավոր Արևելքի, Հյուսիսային Աֆրիկայի և Արևելյան Եվրոպայի տարածաշրջանային տնօրենի տեղակալ Քեյթ Նյութոնին: Այս մասին տեղեկացնում են ՀՀ ԱԳՆ-ից։
Կողմերը քննարկել են ՀՀ-ՊՀԾ համագործակցության լայն օրակարգին, պարենային անվտանգության ոլորտում իրականացվող աշխատանքներին և ծրագրերին վերաբերող հարցեր՝ առանձնահատուկ նշելով «Կայուն դպրոցական սնունդ» և «Ամբողջահատիկ ցորենի արժեշղթա» ծրագրերի իրականացման հաջող ընթացքը։
Կողմերը երկուստեք ընդգծել են Լեռնային Ղարաբաղից բռնի տեղահանված փախստականների կարիքների հասցեագրմանն ուղղված երկարաժամկետ ծրագրերի իրականացման անհրաժեշտությունը, ինչպես նաև ՀՀ-ՊՀԾ միջև հաստատված օրակարգի իրականացման կարևորությունը։ Այդ համատեքստում ՀՀ ԱԳ նախարարի տեղակալն ընդգծել է Երևանում ՊՀԾ գրասենյակի լիարժեք գործունեության կարևորությունը:
