26.04.2026 | 21:21
Իրավիճակը Մալիում․ մահացել է պաշտպանության նախարարը, երկրում թեժ մարտեր են
Էջմիածին-Արմավիր ճանապարհին բախվել են «Lada» և «Lexus» մակնիշների ավտոմեքենաներ․ 3 հոգու կյանք փրկել չի հաջողվել․ ԼՈՒՍԱՆԿԱՐՆԵՐ
Հասարակություն
19.03.2024 | 18:06
Մարտի 19-ին, ժամը 12:28-ին Արմավիրի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Էջմիածին-Արմավիր ավտոճանապարհին տեղի է ունեցել ՃՏՊ, կան արգելափակված տուժածներ․ տեղեկացնում են ՆԳՆ ՓԾ-ից։
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:
Պարզվել է, որ Էջմիածին-Արմավիր ավտոճանապարհի 1-ին կմ-ի աջակողմյան հատվածում բախվել են «Lada» և «Lexus» (վարորդ՝ Բ. Ս., ծնված 1990 թ.) մակնիշների ավտոմեքենաները:
Փրկարարները «Lada» մակնիշի ավտոմեքենայից դուրս են բերել երեք ուղևորի:
Տուժածներ Բ. Ս.-ն, Տ. Մ.-ն (ծնված 1989 թ.), Զ. Գ.-ն (ծնված 1985 թ.), Խ. Մ.-ն (ծնված 1986 թ.) և Ի. Ա.-ն (ծնված 1989 թ.) տեղափոխվել են բժշկական կենտրոն, որտեղ արձանագրվել է Զ. Գ.-ի, Խ. Մ.-ի և Ի. Ա.-ի մահը:
Նշենք, որ սա մեկ օրվա ընթացքում մահվան ելքով երկրորդ ավտովթարն է։ Առավոտյան հաղորդել էինք, որ
հրդեհի բռնկմամբ վթար է տեղի ունեցել Սիսիան-Գորիս ճանապարհին. այրված ավտոմեքենայում հայտնաբերվել է 4 դի։
