04.04.2026 | 20:03
ՃՏՊ՝ հրդեհի բռնկմամբ
Մեկ օրում ոստիկանները բացահայտել են հանցագործության 108 դեպք, որից 2-ը՝ նախկինում կատարված
Հասարակություն
13.03.2024 | 12:30
Ըստ ոստիկանության օպերատիվ հաղորդագրությունների ամփոփագրերի՝ մարտի 12-ից 13-ը Հայաստանի Հանրապետության ՆԳՆ ոստիկանության ստորաբաժանումները բացահայտել են հանցագործության 108 դեպք, որից 2-ը՝ նախկինում կատարված․ տեղեկացնում են ՆԳՆ ոստիկանությունից։
Մասնավորապես՝ տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու՝ 20, թմրամիջոցի հայտնաբերման՝ 13, խարդախության՝ 11, մարմնական վնասվածք պատճառելու՝ 8, ֆիզիկական ներգործության և անձնական ունեցվածքի գողության՝ 6-ական, հոգեկան ներգործության՝ 5, գույքը ոչնչացնելու կամ վնասելու՝ 4, բնակարանային գողության ու փաստաթղթի կեղծիքի՝ 3-ական, պաշտոնեական լիազորությունների չարաշահման, բուժաշխատողի կողմից մասնագիտական պարտականությունները չկատարելու, ինքնիրավչության և ինքնավնասման՝ 2-ական, սպանության, մարդու առևանգման, սեքսուալ բնույթի բռնի գործողությունների, կողոպուտի, շորթման, ապօրինի ձեռնարկատիրական գործունեության, համակարգչային հափշտակության, պաշտոնատար անձի ծառայողական գործունեությանը միջամտելու, իրավաբանական անձի կողմից իրավաբանական անձանց պետական գրանցում իրականացնող իրավասու պետական մարմին իրական շահառուի վերաբերյալ կեղծ տվյալներ ներկայացնելու, վտանգի մեջ թողնելու, ապացույցներ, բացատրություններ կամ դատավարական փաստաթղթեր կամ օպերատիվ-հետախուզական միջոցառման արդյունքով ստացված տվյալներ կամ առարկաներ կեղծելու, փոխելու, ոչնչացնելու կամ թաքցնելու կամ կեղծ ապացույցներ ներկայացնելու, աշխատանքի պաշտպանության կամ անվտանգության ապահովման կանոնները կամ պահանջները խախտելու, ընդերքի պահպանման պահանջները խախտելու, անձնական կյանքի գաղտնիությունը խախտելու, դատական ակտը չկատարելու, ալիմենտ վճարելուց խուսափելու ու առանց ապրանքների մատակարարման կամ առանց ծառայությունների մատուցման կեղծ փաստաթղթեր տրամադրելու, ծախսերի կամ եկամուտների վերաբերյալ կեղծ փաստաթղթեր կազմելու և ներկայացնելու՝ 1-ական դեպք։
Հայտնաբերվել է 3 հետախուզվող։ Կամավոր ներկայացել է 1 հետախուզվող։
Գրանցվել է զենք-զինամթերքի կամավոր հանձնման 3 դեպք։
Նախկինում կատարված հանցագործության դեպքերից բացահայտվել է անձնական ունեցվածքի գողության՝ 2, ֆիզիկական ներգործության և անձի տիրապետությունից դուրս եկած գույքին տիրանալու՝ 1-ական դեպք։
Անցած 1 օրվա ընթացքում հանրապետությունում արձանագրվել է ճանապարհատրանսպորտային 5 պատահար. 5 մարդ ստացել է տարբեր աստիճանի մարմնական վնասվածքներ:
