Լևոն Քոչարյանի նկատմամբ խափանման միջոց ընտրվեց 2 մլն դրամ գրավը` չնայած մեղադրողների պնդումներին, որ 15 մլն կիրառվի

Լուրեր

20.11.2026 | 20:25
Գյումրիում ԵԱՏՄ երկրների մաքսային ծառայությունները 21 որոշում են ընդունել․ Հակոբյանը վերանշանակվել է կոլեգիայի փոխնախագահ
20.11.2026 | 20:13
Հունգարիան հանել է վետոն ԵՄ-ին Ուկրաինայի անդամակցության համար 4-րդ և 5-րդ կլաստերները բացելու հետ կապված
20.11.2026 | 20:00
Ադրբեջանը կստորագրի Խաղաղության համաձայնագիրը, եթե ԹՐԻՓՓ-ի իրագործումը տեսանելի դառնա․ Սահմանադրությունը պատրվակ է․ Արմեն Պետրոսյան․ ՏԵՍԱՆՅՈՒԹ
20.11.2026 | 19:51
Չհամարձակվե՛ք մեզ ասել, որ մենք դեմ ենք խաղաղության գործընթացին․ Արամ Վարդևանյան. ՏԵՍԱՆՅՈՒԹ
20.11.2026 | 19:40
ՌԴ-ն մանրամասներ է հայտնել Ղրիմի կամրջի վնասների մասին
20.11.2026 | 19:30
ՀԱՊԿ-ը կարող է հեռացնել ՀՀ-ին՝ առանց նրա համաձայնության․ ինչո՞ւ չի անում և ի՞նչ է նախատեսում կանոնադրությունը 
20.11.2026 | 19:21
ՀՀ-ում հասարակական կազմակերպությունները թափանցիկ են աշխատում․ Թագուհի Ղազարյան. ՏԵՍԱՆՅՈՒԹ
20.11.2026 | 19:12
Խաղաղության պայմանագիրը բերե՛ք, ստորագրենք, վավերացնե՛նք․ Վարդևանյան. ՏԵՍԱՆՅՈՒԹ
20.11.2026 | 19:00
Փաստը, որ ԱՄՆ-ը քննարկում է եվրոպական անվտանգության ճարտարապետությունը, հաղթանակ է Մոսկվայի համար․ Կուրտ Վոլքեր․ ՏԵՍԱՆՅՈՒԹ
20.11.2026 | 18:52
«Էս մարդիկ խաղաղության վերջին խոչընդոտն են». Ռուբեն Ռուբինյան. ՏԵՍԱՆՅՈՒԹ
20.11.2026 | 18:43
Պարոն Ռուբինյա՞ն, ի՞նչ կա էդքան ոգևորվել եք․ Աննա Գրիգորյան․ ՏԵՍԱՆՅՈՒԹ
20.11.2026 | 18:39
Եթե ՌԴ-ն գազը թանկացնի, իրավիճակը կկառավարենք․ պիտի որոշենք՝ կայսերական ամբիցիաներին տրվո՞ւմ ենք․ Արսեն Թորոսյան
20.11.2026 | 18:30
«Իմ առաջարկից հետո մի շարք ՀԿ-ներ Ձեր հրաժարականն էին պահանջում»․ Ֆարմանյանը՝ փոխնախարարին․ ՏԵՍԱՆՅՈՒԹ
20.11.2026 | 18:29
Շվեդիան վիզա չի տրամադրի ռուս մարզիկներին
20.11.2026 | 18:19
Բանակից ազատելու դեպքերն ուսումնասիրեք 2018-ից հետո. Էդգար Ղազարյան․ ՏԵՍԱՆՅՈՒԹ
Բոլորը

Ազգային ժողովի պատգամավոր, ՀՀ երկրորդ նախագահ Ռոբերտ Քոչարյանի որդի Լևոն Քոչարյանի պաշտպան Արամ Վարդևանյանն այսօր միջնորդեց Քոչարյանի նկատմամբ ընտրված խափանման միջոց բացակայելու արգելքը փոխել գրավով:

Վարդևանյանն ասաց, որ իրենք հարկադրված են այս միջնորդությունը ներկայացնում, որպեսզի Քոչարյանը, որպես Ազգային ժողովի պատգամավոր, հնարավորություն ունենա մեկնել գործուղման:

Հիշեցնենք, որ նախորդ դատական նիստի ընթացքում պաշտպանները միջնորդել էին Քոչարյանի նկատմամբ ընտրված բացակայելու արգելք խափանման միջոցը վերացնել, քանի որ նա պետք է գործուղման մեկնի, սակայն դատարանը մերժել էր միջնորդությունը` պատճառաբանելով, որ «բացակայելու արգելք» խափանման միջոցը ժամանակավորապես վերացնելու և կրկին կիրառելու կարգ չի սահմանում:

Այսօրվա դատական նիստի ընթացքում Արամ Վարդևանյանը նշեց, որ պատգամավորի գործունեությունը քրեական դատավարության որևէ կառուցակարգի բացակայության պատճառով չպետք է սահմանափակվի և առաջարկեց Քոչարյանի նկատմամբ խափանման միջոց ընտրել 2 մլն դրամ գրավը:

Պաշտպան Էրիկ Ալեքսանյանն էլ ասաց, որ, փաստացի, իրենք ավելի խիստ խափանման միջոց կիրառելու միջնորդություն են ներկայացնում:

Պաշտպան Ալեքսանդր Կոչուբաևին էլ հայտարարեց, թե զավեշտալի է թվում այն հանգամանքը, որ Լևոն Քոչարյանը Ժնևում պետք է թաքնվի ( Քոչարյանը պետք է Ժնև գործուղվի-հեղ):

«Մենք գրավի միջնորդությանը սպասում էին նախորդ դատական նիստին, բայց հիասթափություն ապրեցինք»,- գրավի վերաբերյալ դիրքորոշում հայտնելիս ասաց հանրային մեղադրող Հայկ Հարությունյանը` նկատի ունենալով, որ պաշտպանները նախորդ դատական նիստին «բացակայելու արգելքը» վերացնելու, ապա այս դատական նիստին գրավ կիրառելու միջնորդության փոխարեն կարող էին ժամանակ խնայել ու գրավի միջնորդությունը նախորդ նիստին ներկայացնել: Այնուամենայնիվ, հանրային մեղադրողները չառարկեցին Քոչարյանի նկատմամբ գրավ կիրառելու դեմ, միայն թե ոչ 2 մլն դրամ: Մեղադրող Հայկ Հարությունյանը դիրքորոշում հայտնեց, որ գրավի չափը պետք է լինի 15 մլն դրամ, իսկ մյուս մեղադրող Արթուր Դանիելյանը նշեց` 15 մլն դրամ կամ ավելի:

Հայկ Հարությունյանը չհամաձայնեց այն պնդման հետ, որ «բացակայելու արգելք» խափանման միջոցն ինքնին և բոլոր դեպքերում ավելի մեղմ խափանման միջոց է, քան «գրավ» խափանման միջոցը:

Այն բանից հետո, երբ մեղադրանքի կողմը Քոչարյանի նկատմամբ գրավի չափը 15 մլն դրամ սահմանելու դիրքորոշում հայտնեց, պաշտպան Արամ Վարդևանյանը հարց բարձրացրեց, թե ինչու է միջին ծանրության հանցանքի կատարման մեջ մեղադրվող անձի համար նման խոշոր չափով գրավ կիրառելու միջնորդություն ներկայացվում:

Մեղադրող Հայկ Հարությունյանը նշեց, որ գրավի չափը նշելիս հաշվի են առել թե՛ այն հանգամանքը, որ Քոչարյանին վերագրվում է միջին ծանրության արարք, թե՛ այն հանգամանքը, որ Քոչարյանը երկրից դուրս է գալու:
Մեղադրող Դանիելյանն էլ ասաց, որ մեղադրյալի նկատմամբ գրավի չափ սահմանելիս պետք է նաև նրա գույքային դրությունը հաշվի առնել, և եթե գրավի չափը զսպող ազդեցություն չի ունենալու, ապա իմաստազուրկ է դա սահմանելը:

Լևոն Քոչարյանը նշեց, որ իրականում ոստիկաններն են իրեն խոշտանգել ու հարվածներ հասցրել, բայց ինքն է հայտնվել մեղադրյալի աթոռին: Նա նաև հայտարարեց, որ իր համար վիրավորական է այն քննարկումը, որ եթե իր գրավի չափը 2 մլն դրամ լինի, ապա կարող է մտածել փախուստի մասին, իսկ 15 մլն դրամի դեպքում` չի մտածի: Բացի այդ` նա ասաց, որ իմ համար իր խոսքն ավելի բարձր արժեք ունի, քան գումարը:
Դատարանը որոշեց գրավի չափ սահմանել 2 մլն դրամը:

Արաքս Մամուլյան