27.04.2026 | 13:56
63 միլիոն դրամ արժեքով անշարժ գույք․ ՀՀ-ն կվերականգնի Վայքի 1213,4 քմ շինության նկատմամբ սեփականության իրավունքը
Նոր Սահմանադրության վերաբերյալ չկա հայեցակարգ․ Նիկոլ Փաշինյան
Հասարակություն
12.03.2024 | 13:32
Հայաստանի Հանրապետությանն անհրաժեշտ է նոր Սահմանադրություն, մամուլի ասուլիսի ժամանակ ասաց վարչապետ Նիկոլ Փաշինյանը։
«Նոր Սահմանադրության վերաբերյալ չկա հայեցակարգ, չկա տեքստ։ Նոր Սահմանադրության վերաբերյալ կա քաղաքական խոսույթ և քաղաքական օրակարգ՝ իմ կողմից առաջարկվող ՀՀ ժողովրդին իր հիմնավորումներով»,- պարզաբանեց կառավարության ղեկավարը։
Սահմանադրական փոփոխությունների վերաբերյալ հանրաքվե անցկացնելու ժամկետների վերեբերյալ հարցին ի պատասխան Փաշինյանը նշեց, որ դա կլինի այն ժամանակ, երբ ինքն ու իր քաղաքական թիմը զգան, որ ՀՀ ժողովուրդը բավարար չափով տեղեկացված է՝ ինչ է տեղի ունենում, ինչի համար և թե որ բովանդակությունն ինչ խնդիր է լուծելու։
Ինչ վերաբերում է Սահմանադրության մեջ Անկախության հռչակագրի ներառմանը՝ Փաշինյանն ընդգծեց, որ 2022 թվականի օգոստոսի 23-ին ուղերձ է հղել, որում ձևակերպել է այն, ինչ ասել է վերջերս հրապարակային։
«Եթե ես 2020 թվականի օգոստոսի 23-ին այդ թեմային անդրադարձել եմ, պարզ է, որ այդ մտքերը, այդ գաղափարները, այդ խնդիրները, այդ երկմտություններն այդ օրն առավոտյան չէին ծնվել, ոչ էլ դրա նախորդ օրը։ Ես տասնյակ աշխատանքային փակ քննարկումներ եմ ունեցել 2021 թվականին, 2020-ին, նույնիսկ՝ 2019-ին։ Շատերը փորձ են անում դրան ուրիշ ենթատեքստ տալ, չնայած դա էլ քննարկման մաս է, ես դրան էլ եմ լավ վերաբերվում», – արձանագրեց վարչապետը։
