07.10.2026 | 15:10
ՀՀ-ում հրթիռների արտադրության հարցի քննարկում Դելիի հետ՝ ըստ ԶԼՄ-ի // Երևանում փակ փողոցներ կլինեն․ ԼՈՒՐԵՐ
Բաքվում ահաբեկչությունների կատարման ահազանգերը խուճապ են առաջացրել դպրոցներում
Քաղաքականություն
12.03.2024 | 14:23
Սոցցանցերի ադրբեջանական տիրույթում նախօրեից տագնապալի հաղորդագրություններ են տարածվում, որ մի խումբ անձինք Բաքվում պատրաստվում են ահաբեկչական գործողություններ իրականացնել։ Մասնավորապես, խոսքը Բաքվում դպրոցների և առևտրի կենտրոնների վրա հարձակման ու երեխաների սպանության մասին։ Ըստ տարածվող հաղորդագրությունների՝ «ցանկանում են զանգվածային սպանություն կազմակերպել դպրոցներում»։
Ադրբեջանական լրատվամիջոցներին ՆԳՆ-ից հայտնել են, որ հետաքննություն է իրականացվում, հարցը վերահսկողության տակ է։
Այս հաղորդագրությունները խուճապային տրամադրություններ են առաջացրել, բազմաթիվ ծնողներ երեխաներին վախեցել են այսօր դպրոցներ ուղարկել։ Ոստիկանությունն իր հերթին ուժեղացրել է Բաքվի դպրոցներում անվտանգության միջոցառումները։
Ադրբեջանի գիտության և կրթության նախարարությանն առընթեր նախադպրոցական և հանրակրթության պետական գործակալությունը հայտարարություն է տարածել՝ նշելով, որ հարցը պատկան մարմինների հսկողության ներքո է։
«Ներկայում ուսումնական գործընթացը շարունակվում է բնականոն հունով։ Ծնողներին հորդորում ենք չանհանգստանալ, իսկ սոցիալական ցանցերի օգտատերերին՝ զերծ մնալ հանրությանն անհանգստացնող կոչերից»,- ասվում է հայտարարության մեջ։
