07.10.2026 | 12:10
Փաշինյանը՝ ադրբեջանցի զինվորին Բաքվին հանձնելու մասին // ՌԴ-ում ԱՄՆ դեսպանատունը տագնապ է տարածել․ ԼՈՒՐԵՐ
Ջրհեղեղը Ֆրանսիայում երեք մարդու կյանք է խլել, չորսն անհետ կորած է համարվում
Քաղաքականություն
11.03.2024 | 15:11
Ֆրանսիայի Գարդ դեպարտամենտի իշխանությունները հաստատել են հորդառատ անձրևներից հետո Ֆրանսիայի հարավ-արևելքում հեղեղումների հետևանքով 3 մարդու մահվան փաստը։ Եվս չորս մարդ դեռևս անհետ կորած է համարվում, այդ թվում՝ մի տղամարդ և նրա երկու երեխաները՝ 4 և 13 տարեկան։ Ընտանիքի մայրը փրկվել է և հոսպիտալացվել, գրում է Euronews-ը։
Հաղորդվում է, որ մահացածներն ու անհետ կորածները վարորդներ են, որոնք փորձել են անցնել հեղեղված կամուրջներով, սակայն ջրհեղեղը տարել է նրանց մեքենաները։
Շաբաթ Météo France-ը Ֆրանսիայի հարավում նարնջագույն մակարդակի տագնապ էր հայտարարել «Մոնիկա» փոթորկով պայմանավորված առատ տեղումների պատճառով: Վտանգի նարնջագույն մակարդակը չորս բալանոց սանդղակով զգոնության երրորդ մակարդակն է և «բարձր զգոնության» կոչ է անում՝ «սպասվող վտանգավոր իրադարձությունների» պատճառով: Հատկապես խորհուրդ է տրվում խուսափել ճամփորդություններից և ջրային տարածքներին մոտ լինելուց:
