23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
ԱԳ փոխնախարարն ընդունել է Կանադայի Կանանց, խաղաղության և անվտանգության հարցերով դեսպան Ժակլին Օ՛Նիլին
Քաղաքականություն
07.03.2024 | 23:30
Մարտի 7-ին ՀՀ ԱԳ նախարարի տեղակալ Պարույր Հովհաննիսյանն ընդունել է Կանադայի Կանանց, խաղաղության և անվտանգության հարցերով դեսպան Ժակլին Օ՛Նիլին: Այս մասին տեղեկացնում են ՀՀ ԱԳՆ-ից։
ԱԳ նախարարի տեղակալը կարևորել է Կանադայի հետ երկկողմ հարաբերությունների հետագա զարգացումը՝ ընդգծելով համագործակցությունը մարդու իրավունքների պաշտպանության, ինչպես նաև ՄԱԿ ԱԽ «Կանայք, խաղաղություն և անվտանգություն» բանաձևի շրջանակներում ստանձնած հանձնառությունների իրականացումն առաջմղելու ոլորտներում:
Անդրադարձ է կատարվել ՄԱԿ ԱԽ «Կանայք, խաղաղություն և անվտանգություն» N1325 բանաձևի դրույթների իրականացման գործողությունների ազգային ծրագրին, Լեռնային Ղարաբաղից բռնի տեղահանվածների խնդիրներին, ինչպես նաև զինված ուժերում և ոստիկանությունում կանանց իրավունքներին վերաբերող հարցերին:
Կողմերը վերահաստատել են փոխադարձ հետաքրքրությունը շարունակելու համագործակցությունը երկկողմ և բազմակողմ ձևաչափերում և ակտիվացնելու շփումները համապատասխան հանձնառությունների իրականացմանը նպաստելու հարցում:
