15.09.2026 | 12:34
Նիկոլ Փաշինյանի մի քանի արձան կա, էժան նյութից են պատրաստված, չարժի՞ ոսկե արձան դնել․ Ղազարյանը՝ Մխիթարյանին
Կրեմլը մեկնաբանել է Հաագայի դատարանի կողմից ռուս զինվորականների կալանավորման նոր օրդերները
06.03.2024 | 22:27
Ռուսաստանը Հռոմի ստատուտի կողմ չէ, հետևաբար, չի ճանաչում Միջազգային քրեական դատարանի (ՄՔԴ) որևէ որոշում։ Այս մասին հայտարարել է ՌԴ նախագահի մամուլի քարտուղար Դմիտրի Պեսկովը՝ մեկնաբանելով դատարանի կողմից հեռահար ավիացիայի հրամանատար Սերգեյ Կոբիլաշի և Սևծովյան նավատորմի հրամանատար Վիկտոր Սոկոլովի կալանավորման օրդերները, գրում է ՏԱՍՍ-ը։
«Մենք կանոնադրության անդամ չենք և այն չենք ընդունում։ Համապատասխան կերպով ենք վերաբերվում նման որոշումներին»,- ասել է Պեսկովը՝ հիշեցնելով, որ սա դատարանի առաջին նման որոշումը չէ։
Ավելի վաղ դատարանը ՌԴ նախագահ Վլադիմիր Պուտինի ու երեխաների իրավունքների հանձնակատար Մարիա Լվովա-Բելովայի կալանավորման օրդեր էր տվել:
Նախօրեին Հաագային Միջազգային քրեական դատարանը Ռուսաստանի օդատիեզերական ուժերի հեռահար ավիացիայի հրամանատար Սերգեյ Կոբիլաշինի և Սևծովյան նավատորմի հրամանատար Վիկտոր Սոկոլովի կալանավորման միջազգային օրդեր է տվել։ Նրանք կասկածվում են 2022 թվականի հոկտեմբերի 10-ից 2023 թվականի մարտի 9-ն ընկած ժամանակահատվածում կատարված ռազմական հանցագործությունների մեջ։
