07.11.2026 | 11:11
Նավթի գները նվազել են
Լավրովը՝ «Զվարթնոց» օդանավակայանում ՌԴ սահմանապահների ներկայության շուրջ քննարկումների մասին
Քաղաքականություն
02.03.2024 | 18:10
Լուրեր
07.11.2026 | 09:42
Հայաստանը, ԱՄՆ-ն և Ադրբեջանը սկսել են TRIPP-ի տեխնիկական պլանավորման աշխատանքները
06.11.2026 | 23:10
Եվրոպայում նոյեմբերի 6-ին ավելի քան 15 չվերթի մասով պայթյունի սպառնալիք է ստացվել
Ռուսաստանի արտգործնախարար Սերգեյ Լավրովն անդրադարձել է այն տեղեկություններին, որ Հայաստանի իշխանությունները քննարկում են Երևանի օդանավակայանում ռուս սահմանապահների ներկայության նպատակահարմարությունը:
«Ես չեմ կարող հաստատել այդ հաղորդագրությունները, չնայած դա լիովին տեղավորվում է այն դիրքորոշումների տրամաբանության մեջ, որոնք այժմ ունի հայկական ղեկավարությունը», – ասել է Լավրովը Անթալիայում դիվանագիտական ֆորումի արդյունքներն ամփոփող ասուլիսում, հաղորդում է ТАСС-ը:
Ըստ Լավրովի՝ որոշ հայ գործիչներ «սխալ են համարում Մոսկվայի հետ Երևանի համագործակցությունը վերջին երեք տասնամյակների ընթացքում»: Դա, նախարարի կարծիքով, բավական ցուցադրական դիրքորոշում է։
«Այստեղից էլ գալիս են Հավաքական անվտանգության պայմանագրի կազմակերպության գործունեության գնահատականները, որ, իբր, կառույցը չի կատարել իր պարտավորությունները Հայաստանի հանդեպ։ Այստեղից էլ պաշտոնական անձանց հայտարարություններն այն մասին, որ 2020 թվականի սեպտեմբերին հենց Ռուսաստանն է հրահրել Ադրբեջանի հարձակումը Հայաստանի վրա»,- ասել է Լավրովը։
Հիշեցնենք, որ ավելի վաղ Factor.am-ին ՀՀ բարձրաստիճան աղբյուրը փոխանցել էր, որ քննարկվում է «Զվարթնոց» միջազգային օդանավակայանից ռուս սահմանապահների հեռացման հարցը։
