15.09.2026 | 09:33
ՀՀ տարածքում ավտոճանապարհներն անցանելի են
Հայաստանի մասնակցությունը ՀԱՊԿ-ին, ըստ էության, գործնականում «սառեցված է»․ Փաշինյանը՝ France 24-ին
Քաղաքականություն
23.02.2024 | 09:30
Նիկոլ Փաշինյանը France 24-ին տված հարցազրույցում անդրադարձել է Ռուսաստանի հետ հարաբերություններին․ նա հիշեցրել է, որ ամիսներ առաջ Մոսկվայից «բացահայտ կոչ էր հնչում հայ բնակչությանը՝ տապալել իր իշխանությունը»։ Վարչապետը նշել է, որ Մոսկվայից իր դեմ ուղղված այս «քարոզչությունը» չի թուլանում։
Նիկոլ Փաշինյանը ընդգծել է, որ իրեն հատկապես անհանգստացնում է Հայաստանում «ռուս զինվորների կողմից ռուս դասալիք Դիմիտրի Սետրակովի առևանգումը»։ «Մենք չենք կարող հանդուրժել անօրինական գործողությունները մեր տարածքում»,- ասել նա և հավելել, որ «հետևանքներ» կլինեն, եթե Երևանի պահանջները մնան անպատասխան։
Վարչապետը նաև նշել է, որ «Հայաստանի մասնակցությունը ՀԱՊԿ-ին, ըստ էության, գործնականում սառեցված է, իսկ ինչ կլինի վաղը՝ վաղը կերևա»։ Պատասխանելով ՀՀ-ում ռուսական ռազմաբազայի ապագայի վերաբերյալ հարցին՝ Փաշինյանը նշել է, որ դա ՀԱՊԿ-ի հետ կապ չունի, կարգավորվում է իրավապայմանագրային այլ բազայով և այս պահին դրա դուրս բերման հարց օրակարգում չկա։
