20.05.2024 | 11:49
Իրանի նախագահի և ուղղաթիռի կործանման հետևանքով մյուս զոհվածների մարմինները տեղափոխվել են Թավրիզ
Ըստ բժշկական եզրակացության՝ Նավալնիի մահվան պատճառները բնական են․ Նավալնիի մամուլի քարտուղար
Քաղաքականություն
22.02.2024 | 21:59
Նավալնիի մահվան մասին բժշկական եզրակացությունը վկայակոչում է մահվան բնական պատճառները։ Այս մասին գրել է Նավալնու մամուլի քարտուղար Կիրա Յարմիշը։
«Ալեքսեյ Նավալնիի մորը ցույց տված մահվան մասին բժշկական եզրակացության մեջ ասվում է, որ մահվան պատճառները բնական են»,- Telegram-ում գրել է Յարմիշը:
Ավելի վաղ տեղեկացրել էինք, որ Ալեքսեյ Նավալնիի մորը ցույց են տվել որդու մարմինը։
Հիշեցնենք՝ Ալեքսեյ Նավալնին մահացել է փետրվարի 16-ին Յամալո-Նենեց ինքնավար օկրուգի թիվ 3 ուղղիչ գաղութում։ Գաղութից հայտնել են, որ զբոսանքից հետո քաղաքական գործիչը «վատ է զգացել՝ գրեթե անմիջապես կորցնելով գիտակցությունը», «վերակենդանացման միջոցառումները» դրական արդյունք չեն տվել, «շտապ օգնության բժիշկներն արձանագրել են նրա մահը»։
Փաստաթղթում, որը գաղութի անձնակազմը հանձնել է Նավալնիի մորը, նշվում է, որ մահը գրանցվել է փետրվարի 16-ին՝ տեղական ժամանակով 14:17-ին։ Սակայն բանտարկյալներից մեկը «Նովայա գազետա Եվրոպա»-ին պատմել է, որ գաղութում մահվան մասին գիտեին դրանից չորս ժամ առաջ։ Միևնույն ժամանակ, Նավալնիի հարազատներն ու համախոհներն ուշադրություն են հրավիրել այն հանգամանքին, որ մահից մի քանի օր առաջ նա իրեն լավ է զգացել։ Մահվան նախօրեին՝ փետրվարի 15-ին, Նավալնին տեսակապի միջոցով մասնակցել է Վլադիմիրի շրջանային դատարանի նիստին։ Նրանք նշել են, որ «նա իրեն լավ էր զգում, ոչ մի բողոք չի հայտնել, ակտիվորեն արտահայտվել և փաստարկներ է ներկայացրել՝ ի պաշտպանություն իր դիրքորոշման»։
