04.08.2026 | 23:29
Չժաո Լեցզին շնորհավորել է Ռուբեն Ռուբինյանին ԱԺ նախագահ ընտրվելու կապակցությամբ
Ադրբեջանական ԶԼՄ-ները նշել են ՌԴ-ում ձերբակալված ադրբեջանցի բլոգերին ՀՀ-ի առաջադրած մեղադրանքները
Քաղաքականություն
21.02.2024 | 12:50
Մոսկվայի «Դոմոդեդովո» օդանավակայանում ձերբակալված ադրբեջանցի բլոգեր Քյամիլ Զեյնալիին մեղադրանք է առաջադրվել ՀՀ Քրեական օրենսգրքի 4 հոդվածով՝ 135 (Մարդկության դեմ հանցագործություն), 137 (Պատերազմական հանցագործություններ), 140 (Պատերազմական հանցագործություններ՝ պատերազմի արգելված մեթոդներով), 147 (Վարձկանների հավաքագրում) և 149 (Ագրեսիա) հոդվածներով, հաղորդում են ադրբեջանական լրատվամիջոցները։
Զեյնալիի դատավարությունը տեղի է ունենալու վաղը։
Նշվում է, որ Հայաստանը Քյամիլ Զեյնալիին փնտրել է 44-օրյա պատերազմի մեկնարկից 2 օր անց՝ 2020 թվականի սեպտեմբերի 29-ին։
Նրա փաստաբան Ալեքպեր Գարաևն ավելի վաղ հայտարարել էր, որ բլոգերը ձերբակալվել է Հայաստանի պահանջով։ Ըստ նրա՝ Զեյնալին տեղափոխվել է Դոմոդեդովոյի ոստիկանության բաժին։ Փաստաբանը նշել էր, որ Զեյնալիին մեղադրանք է առաջադրվել Հայաստանի քրեական օրենսգրքի համապատասխան հոդվածներով, սակայն չէր մանրամասնել, թե ինչ հոդվածների մասին է խոսքը։
ՌԴ-ում Ադրբեջանի դեսպան Փոլադ Բյուլբյուլօղլին նույնպես լրատվամիջոցներին ասել էր, որ բլոգերը ձերբակալվել է Հայաստանի պահանջով։ Նա նշել էր, որ դիմումը նախաձեռնվել է դեռևս 2023 թվականի մայիսին։
