15.09.2026 | 14:53
Եվրոպական խորհրդարանն ընդունեց ՀՀ-ին արտահանման արտոնություններ տալու նախագիծը
Հունգարիան կրկին արգելափակում է ՌԴ-ի դեմ պատժամիջոցները, այժմ՝ Չինաստանի պատճառով
Քաղաքականություն
15.02.2024 | 17:00
Եվրամիությունը ցանկանում է պատժամիջոցների 13-րդ փաթեթն ընդունել մինչև Ուկրաինա Ռուսաստանի ներխուժման երկրորդ տարելիցը։ Սակայն Հունգարիան հերթական անգամ խանգարում է կոնսենսուսի ձեռքբերմանը: Այս անգամ Բուդապեշտի առարկությունները պայմանավորված էին ոչ թե Ռուսաստանի դեմ ուղղված միջոցներով, այլ չինական ընկերություններին պատժամիջոցների ցուցակում ընդգրկելու մտադրությամբ։
Պատժամիջոցներ են նախատեսվում գրեթե 200 կազմակերպությունների և անհատների նկատմամբ՝ հիմնականում Ռուսաստանից, ինչպես նաև երեք ընկերությունների նկատմամբ մայրցամաքային Չինաստանից և մեկական ընկերություններ՝ Հնդկաստանից, Շրի Լանկայից, Սերբիայից, Ղազախստանից, Թաիլանդից, Թուրքիայից և Հոնկոնգից, հայտնում է Bloomberg-ը՝ վկայակոչելով նախագծի փաստաթուղթ:
ԵՄ-ի կարծիքով՝ այդ ընկերությունները նպաստում են Ուկրաինայում ռուսական ագրեսիային։
Հունգարիայի ներկայացուցիչը միակն է եղել ԵՄ դեսպանների երեկվա հանդիպմանը, որը համաձայն չի եղել չինական ընկերությունների դեմ պատժամիջոցներին, գրում է Financial Times-ը՝ հղում կատարելով պաշտոնյաներից մեկին։
Մեկ այլ դիվանագետ էլ նշել է, որ մտքերի փոխանակումն «արդյունավետ» էր, պարզապես Հունգարիայի դեսպանն «ավելի շատ ժամանակ է խնդրել՝ ուսումնասիրելու առաջարկների բովանդակությունը»։
