05.06.2026 | 02:00
ՌԴ-ից մարդկանց ստիպելով բերում են իրենց օգտին քվեարկելու․ Փաշինյանը՝ «Ուժեղ Հայաստանի» մասին․ ՏԵՍՆՅՈՒԹ
Մեր պատմության մեջ ոչ մի այլ նախագահ չի խոնարհվել ռուս բռնապետի առաջ․Բայդենը՝ Թրամփին
14.02.2024 | 23:04
ԱՄՆ նախագահ Ջո Բայդենը քննադատել է Դոնալդ Թրամփին այն բանից հետո, երբ նախկին նախագահն ասել էր որ կխրախուսի Ռուսաստանին ներխուժել այն երկրներ, որոնք չեն կատարում ՆԱՏՕ-ի նկատմամբ իրենց պարտավորությունները՝ նշելով, որ նման մեկնաբանությունները նշանակում են խոնարհվել Վլադիմիր Պուտինի առաջ, գրում է CNN-ը։
«Պատկերացնում ե՞ք ԱՄՆ նախկին նախագահը նման բան է ասել։ Ամբողջ աշխարհը լսեց դա։ Ամենավատն այն է, որ նա հենց դա նկատի ունի»,- ասել է Բայդենը՝ հավելելով․ «Մեր պատմության մեջ ոչ մի այլ նախագահ չի խոնարհվել ռուս բռնապետի առաջ։ Թույլ տվեք սա հնարավորինս պարզ ասել՝ երբեք չեմ անի: Ի սեր Աստծո, դա հիմարություն է: Դա ամոթալի է։ Դա վտանգավոր է։ Դա հակաամերիկյան է»:
Բայդենն ասել է, որ Թրամփը պաշտպանական դաշինքը դիտարկում է որպես «պաշտպանական ռեկետ» և չի հասկանում դրա դերը ազատության և անվտանգության պաշտպանության գործում:
Հիշեցնենք՝ ԱՄՆ նախկին նախագահ Դոնալդ Թրամփը, ելույթ ունենալով Հարավային Կարոլինայում նախընտրական հանրահավաքում, հայտարարել էր, որ մի անգամ իրեն հարցրել է «մեծ երկրի նախագահներից մեկը», թե արդյոք ԱՄՆ-ը դեռ կպաշտպանի իրենց ռուսական ներխուժումից, նույնիսկ եթե «չվճարեն ՆԱՏՕ-ի տուրքերը»։
«Ոչ՛, ես ձեզ չեմ պաշտպանի։ Իրականում, ես նրանց՝ Ռուսաստանին, կխրախուսեի անել այն ամենը, ինչ ուզում են»,-հայտարարել էր Թրամփը։
